sa maaaring kalabasan ng mga pangyayari gamit ang mga detalye o impormasyon sa nabasa o napakinggang akda. Nabubuo ang isang makabuluhang hinuha kung ganap at lubusang naunawaan ng isang mambabasa ang isang akda, teksto o pahayag na kaniyang nabasa o napakinggan sa tulong ng mga pahiwatig. Ang mga pahiwatig na ito ay hindi direktang ipinapahayag at hinahayaang matuklasan ng mambabasa hanggang sa makapagbigay ng sariling hinuha sa maaaring kalabasan ng mga pangyayari sa akda. Ang mga salitang posible, maaari, puwede, marahil, siguro, baka, sa palagay ko, kung, at may posibilidad ay mga salitang nagpapahayag ng posibilidad na maaaring gamitin sa pagbibigay ng hinuha sa kalalabasan ng isang pangyayari o maaaring mangyari sa akdang nabasa o napakinggan. Mga halimbawa:
1. Maaaring magkaroon ng pagguho ng
lupa at pagbaha kung magpapatuloy ang pagpuputol ng mga puno. 2. Marahil ay maaabot niya ang lahat ng kaniyang pangarap kapag ipinagpatuloy niya ang pagsusumikap. 3. Posible siyang magkaroon ng malalang sakit kung hindi niya ititigil ang kaniyang mga nakasanayang bisyo. 4. Sa palagay ko ay magiging maganda ang panahon dahil maliwanag ang kalangitan. SANHI at BUNGA Ang sanhi at bunga ay ugnayan ng mga pangyayari kung ang isang kaganapan (sanhi), maging mabuti man o masama ay mayroong kahihinatnan (bunga). Kadalasan, ang sanhi ang sumasagot sa tanong na “bakit”; bakit nangyari ang isang pangyayari? Ito ang sanhi, dahilan o ugat ng isang pangyayari. Samantala, ang bunga naman ang sumasagot sa tanong na “ano”; ano ang sumunod na pangyayari? Ito ang kinahinatnan matapos ang isang pangyayari. Sanhi – ito ay tumutukoy sa pinagmulan o dahilan ng isang pangyayari.
Bunga – ito ay ang kinalabasan o
dulot ng naturang pangyayari. Mga Salitang Hudyat na Nagpapahayag ng Sanhi 1.Dahil sa 2.Bunsod ng 3.Sanhi ng 4.Bilang resulta ng 5.Sa kadahilanang 6.Sa likod ng 7.Sa dahilan ng 8. Dahil dito 9. Kasunod ng 10. May dahilan na 11. Sapagkat 12. Dahil 13. Dahilan sa 14. Palibhasa 15. Ngunit 16. At kasi Mga Salitang Hudyat na Nagpapahayag ng Bunga 1.Kaya 2.Sa gayon 3.Kung kaya 4.Bilang resulta 5.Samakatuwid 6.Kaya’t 7.Nang sa gayon 8. Sa wakas 9. Sa huli 10.Sa kalaunan 11. Kung gayon 12. Kaya naman 13. Kung ganyan 14. Kung gaya ng Halimbawa:
Matinding pagkasabik ang
nararamdaman ni Anna na makauwi sa Pilipinas dahil wala siyang ibang nakasama sa paglaki kung hindi ang kaniyang tiyahin sa Amerika. Nanakit ang kaniyang ulo dahil sa sobrang bilis na pagkain ng sorbetes.
Magaling maggitara si Ben kaya
sikat siya sa mga kababaihan. Hindi nagkakasakit si Juan dahil mahilig siyang kumain ng mga masusustansiyang pagkain.
Si Angelito ay mahilig mag-ipon ng
pera kaya nakabili siya ng bagong kotse. Si Angelito ay mahilig mag-ipon ng pera kaya nakabili siya ng bagong kotse.