Ako ay si G. Romeo S. Berba ang inyong guro sa Literatura 104(Panunuring
Pampanitikan). Nakatira sa Block 17, Lot 24, Carmenville Subdivision, Casisang, Malaybalay City. Nagtapos ng kursong Bachelor of Secondary Education major in Filipino sa Bukidnon State College na ngayon ay Bukidnon State University. Nagtapos ng Master of Arts in Teaching Filipino sa Central Mindanao University sa Musuan, Dologon, Maramag, Bukidnon. Kasalukuyang nagsusulat sa disertasyon sa digring Doctor of Philosophy in Filipino sa University of Mindanao, Davao City. Kasalukuyang Associate Professor 1 ng Bukidnon State University. Binabati ko kayong lahat na kumuha ng kursong pagiging guro at lalo na sa pagpapakadalubhasa sa larangan ng ating wikang Filipino. Masaya ang pagiging guro kung ito ay bukal sa iyong puso. Masarap ang pakiramdam na makapag-ambag ka ng kaunting kaalaman sa mga mag-aaral na magagamit nila sa pagharap sa tunay na buhay pagkatapos ng kanilang panahon na ginugol sa loob ng paaralan. Ngunit, ang pagiging guro ay may kaakibat na mga resposibilidad sa ating mga tinuturuan, pamilya, lipunan, at higit sa lahat, sa ating Panginoon na modelo natin sa pagiging guro. Isang karangalan na maging guro sa asignaturang ito dahil alam kong may sapat na akong kakayahan sa pagtuturo sa larangang ito. Medyo may kahirapan ang asignaturang ito dahil kailangan ninyong magbasa nang magbasa at magsuri nang magsuri ng mga akdang pampanitikan. Nawa’y magiging maganda at matiwasay ang ating pagsasama sa loob ng isang semestre at sa mga susunod pa na mga semestre. Dinadalangin ko lamang na sana ay papasa kayong lahat sa asignaturang. Makapagpasa ng proyekto bago magtapos ang semestre. Kung mayroon kayong mga tanong at iba pang mga impormasyon na gusto ninyong malaman ay maaaring makipag-ugnayan kayo sa akin sa mga numerong 09361470588 at 09126636584. Kung mayroon kayong mga mungkahi at iba pa ay kaagad ipaalam sa akin at huwag doon sa social media dahil hindi ang social media ang lulutas ng iyong mga problema. Malulutas ang lahat sa mabuting pag-uusap. Mabuhay kayong lahat at mag-iingat palagi dahil sa pandemyang sumubok sa ating kalagayan ngayon. Higit sa lahat, palagi tayong manalangin sa Poong Maykapal.