Professional Documents
Culture Documents
პ
პ
პა-დე-დე [ფრანგ. Pas de deux < Pas ნაბიჯი და deux ორი] – ბალეტში: წყვილის
ცეკვა; მუსიკა ამ ცეკვისათვის.
პა-დე-კატრ-ი [ფრანგ. Pas de quatre < Pas ნაბიჯი და quatre ოთხი] – ბალეტში:
ოთხი შემსრულებლის ცეკვა; მუსიკა ამ ცეკვისათვის.
პა-დე-ტრუა [ფრანგ. Pas de trois < Pas ნაბიჯი და trois სამი] – ბალეტში: სამი
შემსრულებლის ცეკვა; მუსიკა ამ ცეკვისათვის.
პაი [თურქ. Pay ხვედრი, წილი] – რაიმე საერთო საქმეში (მაგ., კოოპერაციულ
ორგანიზაციაში) თითოეული წევრის მიერ შეტანილი წილი.
პალატალურ-ი [< ლათ. Palatum სასა] – (ლინგვ.). მაგარ სასასთან ენის ზურგის
მიახლოებით წარმოქმნილი (ბგერა). მაგ., L პალატალურია I-ს წინ.
პალიმფსესტ-ი [ბერძ. Palimpseston < Pain ისევ, ხელახლა და psao ვფხეკ, ვშლი]
– ეტრატ-ხელნაწერი, რომელზედაც ძველი ტექსტი გადაფხეკილა და ახალია
დაწერილი.
პალუნდრა [რუს. Палундра < ინგლ. Fall under ძირს ვარდნა] – მეზღვაურთა და
მეხანძრეთა შეძახილი, როდესაც რამე ვარდება ზემოდან; ნიშნავს:
«ფრთხილად!», «მოერიდე!»
პან- [< ბერძ. Pan ყველაფერი, მთელი, მთლიანი] – რთული სიტყვის პირველი
შემადგენელი ნაწილი; ნიშნავს ყველას, ყველაფრის მომცველს. მაგ.,
პანამერიკანიზმი. პანთეიზმი.
პანიკა [ბერძ. Panikos < Pan (იხ. პანი2)] – უეცარი შიში, ძრწოლა, თავზარი,
რომელიც შეიპყრობს ადამიანთა ჯგუფს, ხალხს (ან ცალკე ადამიანს); ასეთი
შიშით გამოწვეული საერთო მღელვარება, არეულობა.
პანჩ-ი [ინგლ. Pynch < Punchinello, დამახინჯ. იტალ. Pulcinella (იხ. პულჩინელა)]
– ინგლისში: თოჯინების წარმოდგენის პოპულარული კომიკური პერსონაჟი.
პაპ-ი [ლათ. პაპა < ბერძ. Pappas მამა] –: რომის პაპი - კათოლიკური ეკლესიის
მეთაური.
პაპილარულ-ი ხაზები [< ლათ. Papilla დვრილი, ძუძუს თავი] – ხელის თითებზე
არსებული ხაზები, რომლებიც გარკვეულ ჭრელს (სახეებს) ქმნის, უცვლელია
ადამიანის მთელი სიცოცხლის მანძილზე და ინდივიდუალურია (ამაზეა
დაფუძნებული დაქტილოსკოპია).
პარა- [< ბერძ. Para - თან, ახლოს; გარეთ, გარეშე] – რთული სიტყვის პირველი
შემადგენელი ნაწილი; აღნიშნავს რამესთან ახლოს არსებობას ან რისამე
გადახრას, დარღვევას. მაგ., პარაბიოზი. პარამაგნეტიზმი, პარაქრონიზმი.
პარაგრიპ-ი [ბერძ. Para - თან, ახლოს და ფრანგ. grippe (იხ. გრიპი)] – სასუნთქი
გზების მწვავე ვირუსული დაავადება; უპირატესად ბავშვებს ემართებათ.
პარავან-ი [ინგლ. Paravane < ბერძ. Para -თან, ახლოს და ინგლ. vane ფრთა] –
წყალქვეშა აპარატი მოძრავი ხომალდის კორპუსის დასაცავად ნაღმის
დაჯახებისაგან.
პარის-ი [ბერძ. Paris] – ძველ ბერძნულ ეპოსში: ტროის მეფე პრიამეს შვილი;
მან მოიტაცა მშვენიერი ელენე - სპარტის მეფე მენელაეს ცოლი და ეს გახდა
ტროის ომის დაწყების საბაბი.
პარჰელიუმ-ი [ბერძ. Para -თან, ახლოს და helios მზე] – (ასტრ.). ჰალოს (იხ.
ჰალო) ერთ-ერთი ფაზა - ნათელი მრგვალი ლაქა ცის კამარაზე მზის დისკოს ერთ
ან ორივე მხარეს; ცრუ მზე.
პასიონ-ი [ფრანგ. Passion, გერმ. Passoon < ლათ. Passio ვნება, ტანჯვა] –
მუსიკალური ნაწარმოები სახარების ტექსტზე - იუდას ღალატის, იესო ქრისტეს
დატყვევებისა და ჯვარცმის შესახებ; „ვნებანი».
პედიკიურ-ი [ფრანგ. Pédicure < ლათ. Pes (პედის) ფეხი და curo ვუვლი,
ვასუფთავებ] – ფეხის ფრჩხილების საგანგებო გაწმენდა-გაპრიალება, აგრეთვე
ფეხზე კოჟრების
პეიზან-ი [< ფრანგ. Paysan გლეხი] – გლეხის იდილიური სახე მე-18 საუკ.
ბოლოს და მე-19 საუკ. დასაწყისის მხატვრულ ნაწარმოებებში; დამახასიათებელია
სენტიმენტალისტთა შემოქმედებისათვის.
პეკან-ი [ინგლ. Pecan] – კაკლის მონათესავე ხე; მისი ნიგოზი შეიცავს 70%-მდე
ზეთს; ველურად იზრდება ჩრდილო ამერიკაში; ჩვენში გაშენებულია შავი ზღვის
სანაპიროზე.
პელიკულა [ლათ. Pellicula (კნინ.) < Pella კანი, ტყავი] – (ბიოლ.). ზოგი
ერთუჯრედიანი ორგანიზმის გარსი.
პემზა [რუს. Пемза < ინგლ. Pumice] – ძალზე მსუბუქი ფოროვანი ქანი
ვულკანური წარმოშობისა; იყენებენ სხვადასხვა ნაკეთობის გასაპრიალებლად,
ლაქების ამოსაყვანად და სხვ.; მინქაფა.
პენ-კლუბ-ი [ინგლ. Pen-club < Pen კალამი და ამავე დროს შემოკლ. სამი
სიტყვისა: პოემ, ესსაყ, ნოველ - ლექსი, ნარკვევი, რომანი] – სხვადასხვა
პოლიტიკური და მხატვრული მიმართულების მწერალთა გაერთიანება; დააარსეს
ინგლისელმა მწერლებმა ჯ. გოლზუორთიმ და კ. ა. დაუსონ-სკოტმა 1921 წ.
პენტა [< ბერძ. Pente ხუთი] – რთული სიტყვის პირველი შემადგენელი ნაწილი;
ნიშნავს ხუთს. მაგ., პენტაედრი. პენტამეტრი.
პენტაგრიდ-ი [ბერძ. Pente ხუთი და ინგლ. grid ბადე] – იგივეა, რაც ჰეპტოდი.
პეტრო- [< ბერძ. Petros ქვა, კლდე] – რთული სიტყვის პირველი შემადგენელი
ნაწილი; ნიშნავს ქვასთან, კლდესთან, ქანებთან დაკავშირებულს. მაგ.,
პეტროგლიფი, პეტროგრაფია.
პეტროგლიფებ-ი [ბერძ. Petros ქვა, კლდე და glyphe ამოჭრა, ამოკვეთა] –
გამოქვაბულებში და კლდეზე ამოკვეთილი გამოსახულებანი ცხოველებისა,
ფრინველებისა, თევზებისა, მეომრებისა და ა. შ.
პიეზა [< ბერძ. Piezo ვაჭერ, ვაწვები; ვუჭერ, ვკუმშავ] – წნევისა და მექანიკური
ძაბვის საზომი ერთეული.
პიეზო [< ბერძ. Piezo ვაჭერ, ვაწვები, ვუჭერ, ვკუმშავ] – რთული სიტყვის
პირველი შემადგენელი ნაწილი; აღნიშნავს წნევას, დაწოლას. მაგ., პიეზომეტრი.
პიელიტ-ი [< ბერძ. Pyelos გობი, როფი] – (მედიც.). თირკმლის მენჯის ანთება.
პილერს-ი [ინგლ. Pillars (მრ.) < Pillar ბოძი, სვეტი] – (ზღვ.). ხის ან ლითონის
ვერტიკალური ძელი (ბიმსის ქვეშ), რომელიც იჭერს გემბანს.
პინგვინ-ი [ფრანგ. Pingouin < ლათ. Pinguis მსუქანი] – ზღვის დიდი ფრინველი;
ფრენა არ შეუძლია; გავრცელებულია უპირატესად ანტარქტიკაში, აგრეთვე
სამხრეთ ნახევარსფეროს სხვა ნაწილებში.
პინია [< ლათ. Pinus ფიჭვი] – იტალიური ფიჭვი; აქვს ქოლგისებური ვარჯი;
იზრდება ხმელთაშუა ზღვის ქვეყნებში; ჩვენში აშენებენ შავი ზღვის სანაპიროზე
როგორც დეკორატიულ მცენარეს; მის მსუბუქ და მაგარ მერქანს იყენებენ
მშენებლობაში და წვრილ-წვრილ ნაკეთობათა დასამზადებლად.
პინცგაუ [გერმ. Pinzgau < გეოგრ. სახ.] – მსხვილი რქოსანი საქონლის ჯიში
სარძევე-სახორცე მიმართულებისა; გამოყვანილია ავსტრიაში მე-18 - 19 სს.-ში.
პიო- [< ბერძ. Pyon ჩირქი] – რთული სიტყვის პირველი შემადგენელი ნაწილი;
აღნიშნავს ჩირქოვანს, დაჩირქებულს. მაგ., პიოდერმია. პიოგენური.
პიოკულტურა [ბერძ. Pyon ჩირქი და ლათ. culcuta (იხ. კულტურა, მნიშვ. 8)] –
(მედიც.). 1. მეთოდი, რომლის მიზანია გამოამჟღავნოს ორგანიზმის რეაქცია
ინფექციის მიმართ და ამის მიხედვით დაადგინოს ოპერაციული ჩარევის
მიზანშეწონილობა. 2. ჩირქიდან მიკრობთა კულტურის მიღება.
პიროლუზიტ-ი [ფრანგ. Pyrolusite < ბერძ. Pyr ცეცხლი და lusis რეცხვა, წმენდა]
– მინერალი, მანგანუმის ორჟანგი; იყენებენ ფერომანგანუმის გამოსადნობად ,
ქიმიური პრეპარატების დასამზადებლად, მინის, ფაიფურის, მშრალი ბატარეების
და სხვ. წარმოებაში.
პირონავთ-ი [ბერძ. Pyr ცეცხლი და ნავთი (< ბერძ. naphtha ნავთობი)] – ნავთი,
რომელსაც იყენებდნენ ძალიან გახურებული სადგომების გასანათებლად ;
ჩვეულებრივი ნავთისაგან განსხვავდება აალების მაღალი ტემპერატურით (1000).
პლანეტ-ი [ფრანგ. Planette (კნინ.). < Plane randa-გუთანი] – (სოფ. მეურნ.). ხელის
ან ცხენის იარაღი (კულტივატორი) ნიადაგის გასაფხვიერებლად და
მწკრივთაშორისების გასაწმენდად სარეველა მცენარეებისაგან .
პლენერ-ი [< ფრანგ. Plein air სუფთა ჰაერი] – ფერწერა გარეთ, ღია ცის ქვეშ,
ჰაერზე; ზუსტად გადმოსცემს ბუნებრივ განათებას, ჰაერის გარემოს , ბუნების
რეალურ ფერებს.
პოპოლანებ-ი [იტალ. Popolani < Popolo ხალხი] – მე-12 -16 სს.-ში: ჩრდილო და
ცენტრალური იტალიის ქალაქების ვაჭარ-ხელოსანთა ფენები, რომლებიც
გაერთიანებული იყვნენ ამქრებში.
პორტატივ-ი [ფრანგ. Portatif < ლათ. Portativ - თან დამაქვს] – პატარა, ხელით
გადასატანი ორგანი; ყველაზე უფრო გავრცელებული იყო მე-15 ს.-ში.
პროლაქტინ-ი [ლათ. Pro წინ და lac (lactis) რძე] – (ფიზიოლ.). ჰიპოფიზის წინა
ნაწილის ერთ-ერთი ჰორმონი; მონაწილეობს სარძევე ჯირკვლებისა და
საკვერცხეების ფუნქციათა რეგულირებაში.
პრომილე [< ლათ. Pro mille ათასზე] – რაიმე რიცხვის მეათასედი ნაწილი
(პროცენტის მეათედი); აღინიშნება %0-ით.
პროპოლის-ი [ბერძ. Propolis < Pro წინ და polis ქალაქი - დინდგელი, სკის წებო.
პტოზ-ი [< ბერძ. Ptosis დაცემა] – (მედიც.). ზედა ქუთუთოს ჩამოვარდნა მისი
ამწევი კუნთის დამბლის შედეგად.
პუდელ-ი [გერმ. Pudel] – ოთახის ძაღლის ჯიში; აქვს გრძელი ხუჭუჭი ბალანი.
პუმა [ესპ. Puma < პერუელ ინდიელთა ენიდან] – მტაცებელი ცხოველი კატების
ოჯახისა; ცხოვრობს სამხრეთ და ჩრდილოეთ ამერიკაში.
პუნა [ესპ. Puna < კეჩუას ენიდან] – შინაგანი პლატო სამხრეთ ამერიკის
ცენტრალურ ანდებში; დამახასიათებელია ზეგნური რელიეფი, მწირი
მცენარეულობა.
პუნშ-ი [ინგლ. Punch < ინდ.] – მაგარი სასმელი - რომი, რომელშიც ურევია
წყალი, შაქარი, ჩაი, ლიმონის წვენი და სხვ.; სვამენ ჩვეულებრივ ცხლად.
პურიტან-ი [ინგლ. Puritan < ლათ. Purus წმინდა] – 1. მე-16 - 17 სს.: მონაწილე
ინგლისის ბურჟუაზიის რელიგიურ-პოლიტიკური მოძრაობისა, რომელიც
მიმართული იყო ფეოდალიზმის წინააღმდეგ და მიზნად ისახავდა ინგლისის
ეკლესიის გაწმენდას კათოლიციზმის ნაშთებისაგან. 2. ადამიანი, რომელიც
მკაცრად (ხშირად მოჩვენებითად) იცავს ზნეობას.