Malikhaing Pagsulat

Kwarter 1- Modyul 4:
Paggamit sa mga Binuong
Imahe,Diksyon,Mga Tayutay at Mga Tiyak
na Karanasan
Malikhaing Pagsulat Senior High School Alternative Delivery Mode
kwarter 1 – Modyul 4: Paggamit sa mga Binuong Imahe,Diksyon,Mga Tayutay at Mga
Tiyak na Karanasan
Unang Edisyon, 2020

Isinasaad sa Batas Republika 8293, Seksyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman. Kailangan muna
ang pahintulot ng ahensiya o tanggapan ng pamahalaan na naghanda ng akda kung ito ay
pagkakakitaan. Kabilang sa mga maaaring gawin ng nasabing ahensiya o tanggapan ay ang
pagtakda ng kaukulang bayad.

Ang mga akda (kuwento, seleksyon, tula, awit, larawan, ngalan ng produkto o brand name,
tatak o trademark, palabas sa telebisyon, pelikula, atbp.) na nagamit sa aklat na ito ay
nagtataglay ng karapatang-ari ng mga iyon. Pinagsusumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Alain Del B. Pascua
Mga Bumubuo ng Modyul para mga Mag-aaral
Manunulat: Maricar C. Ranara, Piolen C. Petalver, Johanna Vanessa C. Obedencio,
Bonifacio N. Gegato Jr., Marben A. Oco, Ian Oclaman, Jean G. Jo,
Dulce Amor S. Loquias, Mary Ann A. Maglangit, Maria Concepcion A.
Macalaguing, Lauro C. Nadayag, Celena J. Cabato, Dexie P. Dilag
Content Editor:
Language Editor:
Proofreader:
Naglayout:
Management Team: Dr. Sally S. Aguilar

Mga Tagapamahala:
Chairperson: Dr. Arturo B. Bayocot, CESO III
Regional Director
Co-Chairpersons: Dr. Victor G. De Gracia Jr. CESO V
Assistant Regional Director
Jonathan S. dela Peña, PhD, CESO V
Schools Division Superintendent
Rowena H. Para-on, PhD
Assistant Schools Division Superintendent
Mala Epra B. Magnaong, Chief ES, CLMD
Members: Neil A. Improgo, PhD, EPS-LRMS;
Bienvenido U. Tagolimot, Jr., PhD, EPS-ADM;
Erlinda G. Dael, PhD, CID Chief;
Sally S. Aguilar, PhD, EPS Filipino;
Celieto B. Magsayo, LRMS Manager;
Loucile L. Paclar, Librarian II;
Kim Eric G. Lubguban, PDO II

Inilimbag sa Pilipinas
Kagawaran ng Edukasyon - Sangay ng Misamis Oriental
Office Address: Don Apolinar Velez Street, Cagayan de Oro City, 9000
Telephone Nos: (088) 881-3094 | Text: 0917-8992245
E-mail Address: misamis.oriental@deped.gov.ph
Malikhaing Pagsulat
Kwarter 1- Modyul 4
Paggamit sa mga Binuong
Imahe, Diksyon, Mga Tayutay
at Mga Tiyak na Karanasan

Ang Aklat na ito ay magkatuwang na inihanda at sinuri ng mga

edukador mula sa mga publiko at pribadong paaralan at pamantasan.
Hinihikayat naming ang mga guro at ibang nasa larangan ng
edukasyon na mag-email ng kanilang puna at mungkahi sa Kagawaran
ng Edukasyon sa action@deped.gov.ph
Mahalaga sa amin ang inyong mga puna at mungkahi.
 Kumusta ka na mahal kong estudyante? Ito ang pang-apat mong aralin.Aking
ikinagagalak na iyong pag-uukulan ng pag-aaral ang tungkol sa Paggamit sa mga
Binuong Imahe, Diksyon, Mga Tayutay at Mga Tiyak na Karanasan.

Ang modyul na ito ay sadyang ginawa para maipagpatuloy ang daloy ng

kaalaman sa kabila ng mga pagsubok na nakaamba sa paligid. Bahagi lamang ito sa
serye ng mga modyul na iyong tatapusin bilang bahagi ng asignaturang Malikhaing
Pagsulat na para lamang sa mga mag-aaral ng HUMSS. Bigyan mo lamang ng
sapat na panahon para unawain ang bawat bahagi ng modyul na ito at tiyak na
maraming kaalaman ang iyong mapupulot sa pamamagitan ng iyong sariling
pagsisikap.

Ang modyul na ito ay hinahanda ka na maging lohikal at kritikal sa pagsusuri

ng iba’t ibang anyo ng pagsulat sa pamamagitan ng mga simpleng aralin at gawain
na maghahanda sa iyo sa pagbuo ng makabuluhang sulatin. Ang modyul na ito ay
hinati sa iilang mga bahagi na may magkatimbang na halaga sa pagkatuto.

Ito ay hinati sa mga sumusunod na bahagi:

Alamin – Sa bahaging ito inilalahad ang mga Kasanayang Pampagkatuto na

sisikapin nating matamo sa buong semestre.

Subukin – Dito susubukin ang lawak ng iyong kasalukuyang kaalaman

tungkol sa paksa.

Yugto ng Pagkatuto – Sa bahaging ito matututunan mo ang araling itinakda

na hinati sa iilang mga bahagi gaya ng balikan, tuklasin, suriin, pagyamanin, isaisip
at isagawa.

Tayahin – Malalaman mo sa bahaging ito kung sadya bang naunawaan mo

ang bagong araling napag-aralan sa pamamagitan ng pagtataya ng natamong
kaalaman.

Karagdagang Gawain –Upang mas mapalawak at mapalawig pa ang iyong

kaalaman sa araling ito, isa pang gawain ang iyong kailangang tapusin sa bahaging
ito.
Lahat ng iyong mga kasagutan sa mga gawain ay isusulat mo sa kalakip na
Activity Sheets. Maaari kang gumamit ng dagdag na papel bilang burador bago mo
pinal na isulat sa Activity Sheets.

Tahasang binanggit ni Nelson Mandela na “ Ang edukasyon ay

pinakamakapangyarihang armas na magagamit mo upang baguhin ang mundo”.

Mga May-akda

ALAMIN
 Magaling! dahil matagumpay mong natapos ang una hanggang pangatlong
modyul. Isang kasiyahan para sa akin ang makasama ka sa pag-aaral mo ng
bagong aralin. Tiyak na kawiwilihan mo ang bagong araling inihanda ko para sa iyo.
Panibagong kaalaman na naman ang magpapayaman sa iyong isipan at karanasan
na magagamit mo sa pang-araw-araw na gawain maging sa iyong sarili, pamilya at
lipunanang iyong kinabibilangan.

Sa modyul na ito makikita ang yugto ng pagkatuto na binubuo ng balikan,

tuklasin, suriin, pagyamanin, isaisip, isagawa at tayahin. Sa simula at wakas ng
modyul na ito ay may mga pagtataya na naglalayong subukin ang iyong kaalaman
bago matapos ang aralin at mapaunlad ang iyong kasanayan sa pangkabatiran
(cognitive), pandamdamin (affective), at sayko-motor (psychomotor).

Nakapaloob sa modyul na ito ang Gabay ng Pagtuturo sa Baitang 12-

HUMSS. Narito ang mga kasanayang pampagkatuto na dapat mong malinang bilang
isang mag-aaral.

 Nagagamit ang pagbuo ng imahe, diksyon, mga tayutay at mga tiyak na

karanasan.(HUMSS_CW/MP11/12-lab-4)
 SUBUKIN

PANIMULANG PAGTATAYA

Bago mo ipagpatuloy ang pag-aaral sa modyul na ito, subukin mong sagutin

ang pagsusulit na ito upang malaman natin kung ano na ang iyong natutunan.

Panuto: Kilalanin kung anong uri ng tayutay ang nasa bawat bilang.Alamin
din kung ano ang tinutukoy sa ibang pangungusap. Isulat ang buong
salita ng sagot sa ibang sagutang papel.

Pagtutulad Pagdaramdam
Pagwawangis Pagtatambis
Pagmamalabis/Eksaherasyon Pagtawag
Personipikasyon/Pagbibigay katauhan Pagtanggi
Pagpapalit-tawag/ Metonomiya Pang-uyam
Pagpapalit-saklaw Imahe
Pagtatanong Tayutay
Diksyon

1. Kapalaran , anong lupit mo.

2. Bagay na bagay sa iyong mukha ang ilong mong parang sinagasaan ng
pison.
3.Hindi ko sinasabing bobo ka ngunit bakit ibinagsak mo ang
napakadaling pagsusulit na iyon.
4. Mahirap ibili ng tela si Maricar,ayaw ng matingkad,ayaw ng
mapusyaw,ayaw rin ng may disenyo,ayaw naman ng liso,ayaw ng
malungkot na kulay,ayaw rin ng masaya.
5. Limang basong tubig ang naiinum niya sa uhaw.
6. Parang sangkalan ang palad niya.
7. Lumuluwa ang kanyang mga mata nang makakita ng magandang dalaga.
8. Naligo sa liwanag ng buwan ang mga palaka.
9. Lason sa kanyang kalooban ang ginawa mo.
10. Sutla ang mga pisngi ng binibini.
Panuto: Alamin kung ano ang tinutukoy sa bawat pangungusap.
11. Ito ay mga salitang pinipiling gamitin ng makata o kahit sinong manunulat.
12.Ito ay isang representasyon ng isang bagay, tao o ideya.
13.Ang tawag sa matalinghagang pahayag na nagbibigay ng mabisang
kahulugan upang higit na maging mabisa at makulay ang isang paglalarawan.
14. Ang mga sumusunod gaya ng , kapara,kawangis, tila,at katulad ay
ginagamig sa anong uri ng tayutay?
15. Ito’y pagpapalit ng katawagan ng mga bagay na magkakaugnay,hindi
kahambingan kundi sa mga kaugnayan.
 YUGTO NG PAGKATUTO

BALIKAN
Sa nakaraang modyul, natutunan mo ang tungkol sa paggamit ng wika upang
mag-udyok ng mga emosyunal at intelektuwal na tugon mula sa mambabasa.
Ngayon isulat mo sa loob ng bawat tatsulok ang mga pangunahing salita na maalala
mo sa nakaraang modyul 3 at lagyan ito ng pahapyaw na paliwanag sa labas.Iguhit
mo muna ang bituin sa ibang sagutang papel bago ito sagutin.
TUKLASIN

Sa iyong imahinasyon isipin mong nasa lugar ka ng larawang iyan.Ano ang

iyong naramdaman habang iniisip mo na nasa gitna ka ng ilog na yan at
nagtatampisaw ka sa malamig na tubig. Itala sa talahanayan sa ibaba ang
iyong tigtatatlong mga nakita, naramdaman at maaring malanghap sa lugar
na iyan.Kopyahin ito sa ibang sagutang papel.

https://www.google.com/search?q=image+of+nature&source
 Nakita Naramdaman Nalanghap

SURIIN

Handa ka nabang madagdagan ang iyong kalaman?Ngayon basahin mo ang

ating paksa na nakalatag sa modyul na ito.

Ano ang imahe ?

Maraming kahulugan ang salitang imahe. Sa wikang Ingles, ang imahe ay
tinatawag na image. Ang literal na kahulugan ng imahe ay isang representasyon ng
isang bagay, tao o ideya.

Halimbawa, kapag tumingin ka sa harap ng salamin, ang nakikita mo sa

salamin ay tinutukoy na imahe. Samantalang, pwede din tawagin na imahe ang mga
statwa dahil renepresenta nila ang mga pigura ng mga tao gaya ng Panginoong
Diyos.Pwede din tumukoy sa mga larawan ang imahe kapag nakunan mo ng litrato
ang mga pangyayari sa kapaligiran mo.Sa akdang pampanitikan may mga imahe
ang inilalarawan din sa isang tula,kwento,nobela at iba pa kahit wala kang makikita
na larawan.

Read more on Brainly.ph - https://brainly.ph/question/1910005#readmore

Ano naman and diksyon?

Ang diksyon ay mga salitang pinipiling gamitin ng makata o kahit sinong

manunulat.Ito ay nakabuhol kung paano mo bibigkasin ang isang salita kung ito ba
ay madiin ,mabagal o mabilis.Hindi dapat maipagkamali ang diksyon ng tula sa
diksyon ng karaniwang pananalita.Nakabuhol rin ito kung ikaw ay tagasaang
probinsiya.

Ano ang tayutay?

Ang Tayutay ay ang ibang tawag sa matalinghagang pahayag na
nagbibigay ng mabisang kahulugan upang higit na maging mabisa at makulay ang
isang paglalarawan .

MGA URI NG TAYUTAY

Ang tayutay ay may iba’t ibang uri tulad ng mga sumusunod:

1. Pagtutulad (Simile)
Ginagamit ito sa paghahambing ng dalawang magkaibang bagay,
tao,pangyayari,at iba pa.
Ito’y ginagamitan ng mga salitang tulad ng ,gaya ng, para ng,kapara,
kawangis,tila,at katulad.

Mga Halimbawa:
a. Ang ugali ng mga kabataan ngayon ay kawangis ng
panahon,madaling magbago.
b. Parang bituin sa langit ang nagniningning ng kanyang mga mata.
c. Mamula-mula ang pisngi niyang tulad ng isang mansanas

2. Pagwawangis ( Metaphor)
Ito’y naghahambing din gaya ng pagtutulad ngunit hindi ginagamitan
ng mga salitang : gaya ng , kapara,kawangis, tila,at katulad sapagkat ito’y
tiyakang paghahambing.

Mga Halimbawa:
a. Ang kamay ng manggagawa ay bakal sa tigas.
b. Si Ronie ay elepante sa laki.
c. Bahaghari ang kilay niyang balantukan.

3. Pagmamalabis o Eksaherasyon (Hyperbole)

Lubhang nagpapalabis sa kalagayan ng tao,bagay o pangyayari ang
tayutay na ito.

Mga Halimbawa:
a. Nabasag ang aking bungo sa sumapit na problema sa buhay namin.
b. Timba-timbang luha ang umagos sa kanyang pisngi nang masawi
ang kanyang ina.
c. Bumaha ng salapi nang dumating ang kanyang ama buhat sa ibang
bansa.

4.Personipikasyon o Pagbibigay Katauhan (Personification)

Ito’y pagsasalin ng talino ,gawi at katangian ng tao sa mga bagay-
 bagay sa paligid natin.
Mga Halimbawa:
a. Lumuha ang langit nang masawi ang dakilang bayani.
b. Lumuhod ang mga tala sa kanyang kagandahan.
c. Bumati ng isang magandang gabi ang buwan.

5.Pagpapalit-tawag o Metonomiya (Metonymy)

Ito’y pagpapalit ng katawagan ng mga bagay na magkakaugnay,hindi
kahambingan kundi sa mga kaugnayan.Ang salitang meto sa sa metonomiya ay
nangangahulugan ng paghalili o pagpapalit.
Mga Halimbawa:
a. Nagngalit ang bagang ( matinding galit) ni Mang Tomas nang kainin ng
kambing ang kanyang mga halaman.
b. Nadala niya ang mabigat na krus (pagpapakasakit)dahil sa kanyang
pananampalataya kay Hesus.
c. Di-maliparang uwak (napakalawak) ang bukid na minana niya.

6. Pagpapalit-saklaw (Synecdoche)
Sa pagpapahayag na ito’y maaring banggitin ang bahagi ng bilang pagtukoy
sa kabuuan at maari naming ang isang tao’y kumakatawan sa isang pangkat.
Mga Halimbawa:
a. Sampung mga daliri ang nag-uunahan sa tiklado ng piano.
b. Apat na matitipunong balikat ang pumas an sa malaking krus.
c. Anim na mga paa ang maingat na tumatalunton sa maputik na daan.

7. Pagtatanong (Rhetorical Question)

Ang tayutay na ito ay gumagamit upang tanggapin o di tanggapin ang isang
bagay.Ang pagpapahayag na ito’y hindi naghihintay ng sagot.
Mga Halimbawa:
a. May ina kayang makakatiis na hindi damayan ang kangyang anak?
b. Ang isa kayang matalinong tao ay mapaniwala agad sa tsismis?
c. Matiis mo kayang makasama sa isang bubong ang taong maghapong
nagbubunganga.

8. Pagdaramdam (Exclamation)
Isinasaad ng pagpapahayag na ito di-pangkaraniwang damdamin.

Halimbawa:
 Namatay ang aking ina nang hindi ko man lamang nakita sapagkat ako’y
nasa malayong pook at walang paraan upang puntahan siya.

9. Pagtatambis (Anthesis)

Ang pagpapahayag na ito’y bumabanggit ng mga bagay na magkasalungat

upang mapabisa ang pangingibabaw ng isang natatanging kaisipan.
Halimbawa:
Siya’y isang babaing napakahirap pakibagayan-ayaw ng magsalita at walang
kibo.Nayayamot sa maraming tao ngunit ayaw naman ng nag-iisa.Nagagalit sa
mangmang rin naming makihalubilo sa maralita.Kay hirap unawain ng kanyang ugali.
10. Pagtawag (Apostrophe)
Ito’y pakikipag-usap sa karaniwang bagay o isang dinaramang kaisipan na
para bang nakikipag-usap sa isang buhay ng tao isang taong gayong wala naman ay
parang naroroo’t kaharap.

Mga Halimbawa:
a. Tukso,layuan mo ako at huwag ibulid sa pagkakasala.
b. Pag-asa, halika’t akayin mo nang hindi dumilim ang aking buhay.
c. Liwanag, sumikat ka at patnubayan mo ang nadidilimlan kong landas.

11. Pagtangi (Litotes)

Gumagamit ito ng panangging hindi upang magpahiwatig ng isang
makabuluhang pagsang-ayon.
Mga Halimbawa:
a. Hindi ko sinsabing tamad ka, lamang napupuna kong laging marumi ang
iyong bahay.
b. Ako’y hindi nagpaparatang na magnanakaw si Marben,ngunit siya lamang
ang pumapasok sa kuwarto ni Roman nang mawala ang relong nakapatong
sa ibabaw ng kabinet.
c. Hindi tanga si Sheila upang ibigin ang lalaking iyon na salawahan.

12. Pang-uyam (Irony)

Ito ay ginagamitan ng mga pananalitang nangugutya sa pamamagitan ng mga
salita kung kukuning literal ang kahulugan at tila kapuri-puri.
Mga Halimbawa:
a. Ang dalagang nakilala ko ay talagang Pilipina.Napalakas hahalakhak at
kung manumit ay halos nakabilad ang katawan.
b. Kay bango ng iyong hininga.Bawat makausap mo’y nagtatakip ng ilong.
c. Kay bait mong kaibigan.Pagkatapos kitang tulungan sa iyong mga
kagipitan ay inagaw mo pa ang aking kasintahan.
 Sipi mula sa aklat ni Fe O. Aquino: Sining ng Komunikasyon

PAGYAMANIN

Gawain

Sumulat ng isang masining na paglalarawan ukol sa iyong sarili.Buuin

ito sa anim hanggang walong pangungusap na may mga tayutay sa pagpapahayag
ng iyong kaisipan at saloobin. Isulat pa rin ito sa ibang sagutang papel.

ISAISIP

Pakatandaan mo na sa anumang pagsulat ng akdang pampanitikan,mas

mainam na dapat mong isaalang-alang ang tamang proseso nito kagaya sa pagbuo
ng isang magadang imahe,paggamit ng tamang diksyon sa bawat salitang gagamitin
na akma sa mensahe at saloobin na iyong isusulat.Higit sa lahat ang paggamit ng
tayutay ay mas napagpapaganda nito marahil nagbibigay siya ng mas malalim pang
kahulugan .

ISAGAWA
 Balikan mo ang mga salitang itinala sa TUKLASIN at sumulat ka ng tatlong
talata gamit ang mga salitang iyon. Maaaring dagdgan mo pa ng karagdagang salita
batay sa larawang ipinakita. Isaalang-alang ang paggamit ng imahe, diksyon at mga
tayutay na aakma sa iyong paksa.

TAYAHIN

PANGWAKAS NA PAGTATAYA
Panuto: Kilalanin kung anong uri ng tayutay ang mga pahayag sa ibaba.Nasa
kahon ang inyong pagpipilian. Alamin din kung ano ang tinutukoy sa
bawat pangungusap

Pagtutulad Pagdaramdam
Pagwawangis Pagtatambis
Pagmamalabis/Eksaherasyon Pagtawag
Personipikasyon/Pagbibigay katauhan Pagtanggi
Pagpapalit-tawag/ Metonomiya Pang-uyam
Pagpapalit-saklaw Imahe
Pagtatanong Tayutay
Diksyon

1. Sutla ang mga pisngi ng binibini.

2. Kapalaran , anong lupit mo
3. Bagay na bagay sa iyong mukha ang ilong mong parang sinagasaan ng
pison.
4.Hindi ko sinasabing bobo ka ngunit bakit ibinagsak mo ang
napakadaling pagsusulit na iyon.
5.Mahirap ibili ng tela si Maricar,ayaw ng matingkad,ayaw ng
mapusyaw,ayaw rin ng may disenyo,ayaw naman ng liso,ayaw ng
malungkot na kulay,ayaw rin ng masaya.
6. Limang basong tubig ang naiinum niya sa uhaw
7. Parang sangkalan ang palad niya.
8. Lumuluwa ang kanyang mga mata nang makakita ng magandang dalaga.
 9. Naligo sa liwanag ng buwan ang mga palaka.
10. Lason sa kanyang kalooban ang ginawa mo.
11. Ito ay mga salitang pinipiling gamitin ng makata o kahit sinong manunulat.
12.Ito ay isang representasyon ng isang bagay, tao o ideya.
13.Ang tawag sa matalinghagang pahayag na nagbibigay ng mabisang
kahulugan upang higit na maging mabisa at makulay ang isang paglalarawan.
14. Ang mga sumusunod gaya ng , kapara,kawangis, tila,at katulad ay
ginagamig sa anong uri ng tayutay?
15. Ito’y pagpapalit ng katawagan ng mga bagay na magkakaugnay,hindi
kahambingan kundi sa mga kaugnayan

KARAGDAGANG GAWAIN

Gawain 1
Sumulat ng isang maikling spoken poetry tungkol sa iyong naging
magandang karanasan noong nasa ikalabing isang baitang ka pa.Sikaping gamitin
ang isang magandang imahe,mga tayutay at kakaibang mga karanasan.

Gawain 2
Sumulat ng tigtatatlong pick-up lines,hugot lines gamit ang mga pagtatayutay

SUSI SA PAGWAWASTO

Panimulang Pagtataya
1. Pagtawag
2. Pagtanggi
 3. ag-uyam
4. pagtanggi
5. Pagtatambis
6. Pagpapalit-saklaw
7. Pagmamalabis
8. Pagmamalabis
9. Pagwawangis
10. Pagwawangis
11. Diksyon
12. Imahe
13. Tayutay
14. Pagpapawangis
15. Pagpapalit-tawag /metonomiya

Tuklasin
Nakita:
malinis na tubig
punonh-kahoy
mga bata
isda
Naramdaman:
malamig
mapayapa
malamig

Nalanghap:
sariwang hangin
amoy ng malamig na tubig
bango ng mga halaman

Panapos na pagtataya
1. Pagwawangis
2. Pagtawag
3. Pag-uyam
4. Pagtanggi
5. Pagtatambis
6. Pagpapalit-saklaw
7. Pagtutulad
 8. Pagmamalabis
9. Pagmamalabis
10. Pagwawangis
11. diksyon
12. imahe
13. tayutay
14. pagwawangis
15. pagpapalit-tawag o metonimiya

TALASANGGUNIAN

A. Internet

https://www.google.com/search?
q=dula&source=lnms&tbm=isch&sa=X&ved=2ahUKEwiU8a25ibrqAhUVMd4KHcK-
CpMQ_AUoAXoECBMQAw&biw=1366&bih=657#imgrc=WDJ4KyVhaT9tRM

https://www.google.com/search?
q=nobela+picture&tbm=isch&hl=en&ved=2ahUKEwjp18X9ibrqAhVoE6YKHTytAIQQr
NwCKAF6BQgBEOUB&biw=1349&bih=657#imgrc=0YAcYj8kiPh7PM

https://www.google.com/search?
q=balita&source=lnms&tbm=isch&sa=X&ved=2ahUKEwjK6cnRirrqAhWYad4KHQ_2
AIEQ_AUoBHoECAwQBg#imgrc=YMP0cujSFpVr9M
https://www.google.com/search?
q=maikling+katha&source=lnms&tbm=isch&sa=X&ved=2ahUKEwjun4TFi7rqAhXEa
d4KHQkiBCsQ_AUoAXoECAwQAw&biw=1366&bih=657#imgrc=Dp6ytu6me1Io3M
https://www.slideshare.net/LynZafra/malikhaing-pagsulat-114165368

https://www.google.com/search?q=image+of+nature&source

https://www.slideshare.net/LynZafra/malikhaing-pagsulat-114165368
https://tl.wikipedia.org/wiki/Malikhaing_pagsusulat

Read more on Brainly.ph - https://brainly.ph/question/1910005#readmore

B. Mga Aklat

Aquino, Fe O et al.Sining ng Komunikasyon,Kadena Press,Inc.98 Kalayaan

Avenue,Central Diliman,Quezon City Phil.2001

Bernales, Rolando et al, Retorika: Ang Sining ng Pagpapahayag.Batayan at

Sanayang-Aklat sa Filipino 3, Antas Tersyarya. Mutya Publishing House,2013

Evasco, Eugene Y.et al.Malikhaing Pagsulat: Paglinang ng Sidhaya Tungo sa

Maunlad na Haraya. Rex Book Store,Inc.Sampaloc Manila.2001

For inquires or feedback, please write or call:

Department of Education – (Bureau/Office)

(Office Address)

Telefax:

Email Address