Science 3

Science 3
Ikalawang Markahan
Modyul para sa Sariling Pagkatuto 16
Mga Pangunahing Pangangailangan
ng Tao, Hayop, at Halaman
Agham – Ikatlong Baitang
Ikalawang Markahan – Modyul 16: Mga Pangunahing Pangangailangan ng
Unang Edisyon, 2020 Tao, Hayop at Halaman

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Dyanarra Claire V. Franco

Editor: Melinda P. Iquin, Marites R. Borras
Ephraim Villacrusis, Loralyn F. Sarmiento
Tagasuri: Dr. Louie B. Dasas, Liza A. Alvarez
Tagaguhit: Ruben F. Nazareno, Lovely Rollaine B. Cruz
Tagalapat: Mark Kihm G. Lara, Janeth D. Morte
Tagapamahala: Ma. Evalou Concepcion A. Agustin
OIC-Schools Division Superintendent
Carolina T. Rivera, CESE
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division
Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/Research/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
Paunang Salita

Para sa tagapagdaloy:
Malugod na pagtanggap sa asignaturang Agham – Ikatlong Baitang ng
Modyul tungkol sa araling Mga Pangunahing Pangangailangan ng Tao, Halaman,
at Hayop!

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:

Malugod na pagtanggap sa asignaturang Agham - Ikatlong Baitang ang

Modyul ukol sa Mga Pangunahing Pangangailangan ng Tao, Halaman, at Hayop!

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong natutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibinuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Napag-aralan natin sa nakaraang modyul ang tungkol sa

katangian na naipapasa ng magulang sa anak. Para sa modyul na
ito, tatalakayin naman natin ang mga pangunahing
pangangailangan ng tao, hayop, at halaman.

Sa pagtatapos ng modyul na ito, inaasahang ikaw ay may

kakayan nang:

1. matukoy ang pangunahing pangangailangan ng tao,

halaman, at hayop;
2. mauri ang pangunahing pangangailangan ng tao,
halaman, at hayop; at
3. makapagsulat ng isang pangako kung paanong
makatutulong sa pangangalaga ng kalikasan na
pinagmumulan ng mga pangunahing pangangailangan
ng tao, halaman, at hayop.

PAUNANG PAGSUBOK

Bago umpisahan ang pag-aaral ng modyul, sagutin muna

ang sumusunod na pagsubok upang malaman kung gaano
kalawak ang iyong nalalaman ukol sa paksang tatalakayin sa
modyul na ito.

Panuto: Basahin ang mga tanong at isulat ang titik ng tamang

sagot sa sagutang papel.

1. Ano ang kailangan ng tao upang makakuha ng sapat na

nutrisyon?
A. alahas B. damit C. pagkain D. tirahan
2. Ano ang kailangan ng tao upang maproteksyunan ang sarili
laban sa lamig, ulan o init, at upang makapagpahinga?

A. damit B. sapatos C. tricycle D. tirahan

3. Alin sa sumusunod ang dapat inumin ng alagang hayop?
 A. kape B. juice C. soft drinks D. tubig
4. Alin sa sumusunod ang isa sa mga pangunahing
pangangailangan ng tao, halaman, at hayop?

A. damit B. kahon C. sapatos D. tubig

5. Napansin mo na nalalanta ang mga halaman at namamayat
ang inyong aso dahil sa maruming kapaligiran, ano ang kaya ang
maaari mong gawing solusyon?

A. Linisin at iligpit ang mga kalat sa kapaligiran at diligan ang

mga halaman.

B. Dagdagan ang mga halaman at alagang aso para mas

masaya.
C. Ituro sa nakatatandang kasama ang tamang pag-aalaga
sa aso at mga halaman.
D. Linisin ang kapaligiran, diligan ang halaman, at bigyan ng
tamang pagkain ang aso.

BALIK-ARAL

Ating balikan ang nakaraang aralin. Ibigay ang hinihingi sa

panuto.
Panuto: Magbigay ng limang katangian na maaaring namana
mo sa iyong magulang.
Halimbawa: tangos ng ilong
1. ___________________________________________________________
2. ___________________________________________________________
3. ___________________________________________________________________________
4. ___________________________________________________________________________
5. ___________________________________________________________________________
 ARALIN

Pagmasdan ang sumusunod na larawan.

Tukuyin kung ano-anong bagay na may buhay ang makikita

dito.
Makikita sa larawan ang mga tao, halaman, at hayop! Ang
mga tao, halaman, at hayop ay magkakasamang naninirahan at
nabubuhay sa mundo.
Lahat ng mga may buhay ay may pagkakatulad ang mga
pangangailangan.
Ang tao ay may kakayahan at responsibilidad na panatilihin,
tipirin, at gumawa ng panibagong mapagkukunan ng mga
pangangailangan ng may buhay para sa hinaharap. Sa araling ito,
ating tatalakayin kung ano-ano ang mga pangunahing
pangangailangan ng tao, halaman, at hayop.
A. Pangunahing Pangangailangan ng Tao
Ano ang una mong naiisip kapag ikaw ay nagugutom? Tama!
Kumain! Ang unang pumapasok sa ating isipan
kapag tayo nagugutom ay ang kumain.
Ang pagkain ay isa sa mga pangunahing
pangangailangan ng mga tao. Ito ay
nagbibigay nutrisyon, lakas, at kalusugan sa
iyong pangangatawan upang ikaw ay lumaking
Figure 1. Pagkain maayos at malusog ngunit hindi lahat ng
pagkain ay masustansya. Kinakailangan ng
mga tao na kumain ng tama at masustansyang pagkain.
Mahalagang magkaroon ng balance diet ang mga tao upang
maging malusog.

Kailangan din ng tao ang tubig sa katawan.

Ang pag-inom ng tubig ay tumutulong upang
matunaw ang pagkain at madala ang mga
sustansya ng pagkain sa iba’t ibang bahagi ng
katawan. Ang tubig ay tumutulong din upang
tanggalin ang dumi sa loob ng katawan ng tao.
Figure 2. Tubig Napananatili rin ng tubig ang tamang
temperatura ng katawan.
Anim hanggang walong basong tubig ang kailangan ng
ating katawan araw-araw. Umiinom ka ba ng tubig araw-araw?
Ano ang mangyayari sa iyo kapag kulang ka sa tubig? Maaaring
ma-dehydrate at magkasakit kapag kulang sa tubig ang isang tao.

Sa tingin mo mabubuhay ba ang tao kung

walang hangin? Kailangan ng tao ang
hangin upang maiproseso ang pagkain
para maging enerhiya. Isa sa mga
kailangan ng tao ang malinis at sariwang
hangin para mabuhay ng malusog at
Figure 3. Hangin
masigla.

Tirahan ang nagsisilbing proteksyon ng tao

sa iba’t ibang uri ng panahon. Ang bahay
ay nagsisilbing pahingahan o tulugan. Ito
rin ay kublihan ng tao sa panganib ng
kapaligiran. Sadyang Kailangan ng tao
Figure 4. Tirahan ang bahay na matitirahan.
 Bakit kailangan ng tao ng damit? Ang damit ay nagsisilbing
proteksyon sa ating katawan kapag mainit, malamig, at sa ibang
elemento ng panahon.
Manipis, magaan, at maaliwalas na kulay sa mata ang
maaaring suotin kapag mainit ang panahon. Tuwing malamig
naman ang panahon, maaaring magsuot ng makapal, mahaba
ang manggas o madilim na kulay sa mata.
Ang mga tao ay may mga pangunahing pangangailangan
upang mabuhay at lumaking malusog tulad ng pagkain, tubig,
hangin, damit, at tirahan.
B. Pangunahing Pangangailangan ng Halaman
Tumingin sa labas at tingnan ang
paligid kung may mga halaman o mga
puno? Maaliwalas sa paningin at
pakiramdam kapag may mga nakapaligid
na halaman o puno sa ating kapitbahayan.
Figure 5. Halaman Tulad ng tao ang halaman ay may mga
pangunahing pangangailangan din.
Kailangan ng halaman ang tubig dahil
kung walang sapat na tubig, ang halaman ay
matutuyo at mamamatay. Nangangailangan
din ng araw at hangin ang halaman.
Naninilaw ang mga dahon nito kapag
walang sapat na araw. Kailangan din ng
halaman ang maganda at matabang lupa
Figure 6. Tubig at
upang mabuhay.
Halaman.
Ang mga berdeng dahon ay may tinatawag
na chlorophyll na nangangailangan ng sikat
ng araw. Ang carbon dioxide ang hangin na
pumapasok sa maliliit na butas ng dahon na
tinatawag na stomata. Ang tubig at nutrisyon
na galing sa lupa ay sinisipsip ng ugat na
Figure 7. Halaman napupunta sa dahon.
at sikat ng araw.
Halaman ang natatanging may buhay na maaaring makagawa o
makabuo ng sariling pagkain. Kaya kailangan ng halaman ang
sikat ng araw, tubig, at carbon dioxide upang makagawa ng
pagkain.

C. Pangunahing Pangangailangan ng mga Hayop

Tulad ng tao, ang mga hayop ay may
pangunahing pangangailangan din
upang mabuhay at lumaki. Isa na rito
ang pagkain. Kailangan ng hayop ang
pagkain, dahil kung walang makakain
ang mga ito ay maaaring magkasakit o
mamatay. May mga hayop na
Figure 8. Hayop at pagkain kumakain ng uod, prutas, damo, at
karne.
Ang tubig ay mahalaga sa mga hayop.
May mga hayop na naninirahan sa tubig at
may mga hayop na ginagamit ang tubig
upang uminom at maligo. Tulad ng tao,
maaaring mamatay ang hayop kung
walang tubig.
Figure 9. Hayop at tubig

Ang hangin ay isa rin sa mga

pangunahing pangangailangan ng
hayop. Tulad ng tao, kailangan din ng
hayop ang malinis at sariwang hangin.
Ang maruming hangin ay maaaring
magdulot ng sakit sa mga ito. Ang
Figure 10. Hayop at hangin kawalan ng hangin ay maaaring
ikamatay ng hayop.
 Upang lumaking malusog at malakas ang
mga hayop, kailangan ng hayop ang araw.
Ang araw ay nagsisilbing pampainit ng
katawan ng hayop at nagdudulot ng
produksyon ng bitamina D.
Figure 11. Hayop at araw

Ang tirahan ang nagsisilbing proteksyon ng

hayop sa lamig o init. May mga hayop na
nananatili sa ilalim ng puno, ang iba ay sa
sanga ng puno at ang iba ay naninirahan sa
tahanan ng tao.

Figure 12. Hayop sa

kanyang tirahan

MGA PAGSASANAY

Gawain 1: Tama o Mali

Panuto: Basahin ang sumusunod na pahayag. Isulat ang salitang

TAMA kung wasto ang isinasaad sa pangungusap at MALI kung
hindi wasto.

_____1. Ang tao, hayop, at halaman ay may kakayahang

mabuhay kahit walang tubig.

_____2. Kinakailangan ng tao at hayop ng tirahan para panangga

sa lamig o init at upang makapagpahinga.

_____3. Ang hangin ay isa sa mga pangunahing pangangailangan

ng tao, hayop, at halaman.

_____4. Ang pagkain ay hindi pangunahing pangangailangan at

luho lamang.
_____5. Isa sa pangunahing pangangailangan ng tao ang alahas.

Gawain 2: Pangunahing Pangangailangan ng mga may Buhay

Panuto: Ipangkat ang sumusunod na pangangailangan batay sa

hanay.

Sikat ng araw pagkain damit tubig

hangin lupa tirahan

________________ ________________ ________________

________________ ________________ ________________
________________ ________________ ________________
________________ ________________ ________________
________________ ________________ ________________

MGA PANGANGAILANGAN
________________________________________________________________
________________

Gawain 3: Masaya ba o Malungkot ?

Panuto: Basahin ang sumusunod na pahayag. Gumuhit ng

masayang (😊) mukha kung tama ang pangungusap at
malungkot ☹ kung hindi.

____1. Ang araw ay kailangan ng halaman upang makagawa ng

sariling pagkain.

____2. Ang halaman ay may kakayahang makagawa ng sariling

pagkain.

____3. Hindi kailangan ng halaman ng tubig upang mabuhay.

____4. Ang hangin na kailangan ng halaman ay carbon dioxide.

____5. Ang hayop at tao ay pare-parehong nangangailangan ng

tubig, pagkain, hangin, at tahanan.

PAGLALAHAT

Panuto: Kumpletuhin ang pangungusap. Piliin ang tamang salita sa

loob ng kahon upang mabuo ang kaisipan ng talata.

Pagkain hangin tirahan damit tubig sikat ng araw

Ang mga pangunahing pangangailangan ng tao ay ang

__________, __________, __________, __________, __________ at
__________. Samantalang, ang mga pangunahing
pangangailangan naman ng hayop ay ang __________, __________,
__________, __________ at __________. Ang mga pangunahing
pangangailangan naman ng halaman ay ang __________,
__________, at__________.

PAGPAPAHALAGA

Panuto: Sumulat ng isang pangako sa Inang Kalikasan kung

paano mo mapangangalagaan ang kapaligiran na
pangunahing pinagkukunan ng ating pangangailangan.

Ang Pangako Ko Kay Inang Kalikasan

Ako ay nangangako sa iyo, Inang Kalikasan na simula sa araw na
ito ay…..
________________________________________________________________
________________________________________________________________
________________________________________
 PANAPOS NA PAGSUSULIT

Panuto: Basahin ang sumusunod na tanong sa bawat bilang.

Isulat sa sagutang papel ang tamang sagot.

1. Alin sa sumusunod ang pangunahing pangangailangan

ng tao, hayop, at halaman?
A. Damit at Pagkain C. Tirahan at Pagkain
B. Pagkain at Tubig D. Tubig at Hangin
2. Ano ang kailangan ng tao at hayop upang maging
panangga sa lamig, ulan o init at upang makapagpahinga
o may matutulugan?
A. damit B. bisikleta C. sapatos D. tirahan
3. Alin sa sumusunod ang pangunahing pangangailangan
ng tao na hindi pangangailangan ng hayop at halaman?
A. Damit B. Pagkain C. Tirahan D. Tubig
4. Alin sa sumusunod na pangunahing pangangailangan ng
halaman ang galing sa tao at hayop?
A. Hangin - Carbon Dioxide C. Hangin - Oxygen
B. Pagkain D. Tubig
5. Napansin mo na unti-unting nalalanta ang mga tanim na
halaman at ang iyong alagang pusa ay nanghihina dahil
sa uhaw, ano ang maaari mong maitulong sa mga ito?
A. Hayaan na lamang at mapapansin naman ito ni nanay.
B. Tawagin ang pansin ng nakatatandang kasama sa
bahay.
C. Ayusin ang salansan ng mga halaman at paliguan ang
pusa.
D. Diligan ang halaman at bigyan ng malinis na tubig ang
pusa.
 _____________________________________________________________________
___________ SUSI SA PAGWAWASTO

5. D 5. 😊

4. A 4. 😊
3. A 3. ☹

2. D 2. 😊

1. D 1. 😊
Panapos na Pagsusulit Gawain 3:
5. Mali 5. Tirahan
lupa
4. Tirahan 3. 4. Tubig 4. Mali D
araw
ng 3. Tubig 3. Tama 3. Damit D
Sikat
2. Tama 2. Pagkain 2. Hangin 2. D
Tubig
1. Hangin 1. Pagkain 1. 1. Mali C
Paunang Pagsubok: Gawain 1: Gawain 2:

Sanggunian

Franco, Aurora A, Ed.d., et al. Exploring the World of Science 3.

Adriana Publishing Co., Inc. at Division of Adriana Printing Co., Inc.
Philippine Copyright © 2014.

Sacatropes, Arthur DC., et al. Science Kagamitan ng Mag-aaral 3.

Kagawaran ng Edukasyon at Rex Bookstore Inc.
Pilipinas: Lungsod ng Pasig, 2015