Science 3

Science 3
Pangalawang Markahan
Modyul para sa Sariling Pagkatuto-9
Mga Wastong Paraan ng Pangangalaga sa
mga Hayop.
Agham – Ikatlong Baitang
Pangalawang Markahan – Modyul 9: Wastong Paraan ng Pangangalaga sa mga
Unang Edisyon, 2020 Hayop

Isinasaad sa Batas Republika 8293, Seksiyon 176 na: Hindi maaaring

magkaroon ng karapatang-sipi ang sinuman sa anumang akda ng Pamahalaan ng
Pilipinas. Gayunpaman, kailangan na may pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang
malikom ang mga ito upang makuha ang pahintulot sa paggamit ng materyales. Hindi
inaangkin ng mga tagapaglathala at mga may-akda ang karapatang-aring iyon. Ang
anumang gamit maliban sa modyul na ito ay kinakailangan ng pahintulot mula sa mga
orihinal na may-akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Elisa A. Raborar
Editors: Melinda P. Iquin at Marites R. Borras
Tagasuri: Liza A. Alvarez
Tagaguhit:
Tagalapat: Mark Kihm G. Lara
Tagapamahala: Ma. Evalou Concepcion A. Agustin
OIC-Schools Division Superintendent
Carolina T. Rivera, CESE
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/Research/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
Paunang Salita

Para sa tagapagdaloy:
Malugod na pagtanggap sa asignaturang Agham sa Ikatlong Baitang ng
Modyul para sa Sariling Pagkatuto 9 para sa araling Wastong Paraan ng
Pangangalaga sa mga Hayop!

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa
Lokal na Pamahalaan ng lungsod sa pamumuno ng butihing Punong Lungsod, Kgg.
Victor Ma. Regis N. Sotto, upang matulungang makamit ng mag-aaral ang
pamantayang itinakda ng Kurikulum ng K to12 habang kanilang pinanagumpayan
ang pansarili, panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:

Malugod na pagtanggap sa Agham sa Ikatlong Baitang Modyul para sa

Sariling Pagkatuto 9 ukol sa Mga Wastong Paraan ng Pangangalaga sa mga Hayop!

Ang modyul na ito ay ginawa bilang tugon sa iyong pangangailangan.

Layunin nitong matulungan ka sa iyong pag-aaral habang wala ka sa loob ng silid-
aralan. Hangad din nitong madulutan ka ng mga makabuluhang oportunidad sa
pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong natutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibinuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Napag-aralan natin sa Modyul 8, ang kahalagahan ng mga

hayop sa tao. Sa modyul na ito, tatalakayin ang mga wastong
paraan ng pangangalaga sa mga hayop. Bibigyang diin sa
modyul na ito ang nararapat na pangangalaga sa mga hayop.

Pagkaraang pag-aralan ang modyul na ito, may kakayahan

ka nang:
1. matukoy ang mga alagang hayop;
2. mailarawan kung paano mapangangalagaan ang mga
hayop; at
3. maipakita ang pagpapahalaga at pagmamalasakit sa
mga hayop.

PAUNANG PAGSUBOK

Bago magsimula ang pag-aaral ng modyul na ito, sagutin

muna ang sumusunod na pagsubok upang malaman kung
gaano na kalawak ang iyong kaalaman ukol sa paksa ng modyul
na ito.

Panuto: Bilugan (Ο) ang letra ng tamang sagot.

1. Alin sa sumusunod na larawan ang nagpapakita ng
wastong pangangalaga sa hayop?

A. B. C. D.
2. Nakita mong binato ng kalaro mo ang pusang naglalakad sa
kalsada. Ano ang dapat mong gawin?
A. Batuhin din ang pusa.
B. Hayaan na lamang ang kalaro.
C. Tawanan na lamang ang ginagawa ng kalaro.
D. Pagsasabihan ang kalaro na hindi tama ang kanyang
ginagawa.
3. Ano ang ipinamamalas ng tao kapag dinadala niya ang may
sakit na alagang hayop sa beterinaryo?
A. Pagpaparami ng alagang hayop.
B. Pagpapahirap sa alagang hayop.
C. Pagbabalewala sa alagang hayop.
D. Pagmamalasakit at pagmamahal sa alagang hayop.
4. Ang sumusunod na larawan ay nagpapakita ng wastong
pangangalaga sa hayop MALIBAN sa isa:

A. B. C. D.
5. Ang pagbibigay ng pagkain at pagpapaligo sa mga alagang
hayop ay mahalaga upang sila ay _____________.
A. lumusog B. mamatay C. manamlay D. umamo
 BALIK-ARAL

Sa ating nakaraang aralin, natutunan natin ang tungkol sa

kahalagahan ng mga hayop sa tao . Natatandaan mo pa ba
ito? Halina! Sagutan ang mga sumusunod.
Panuto: Kulayan ang Thumbs Up kung TAMA ang pahayag ay
totoo, at Thumbs Down naman kung Mali ito.
1. Ang mga hayop ay mahalaga sa mga tao.

2. Ang mga hayop ay hindi nakatutulong sa

mga tao.
3. May mga hayop na ginagawang bag,
pitaka, damit, at sapatos ang kanilang balat.
4. Ang mga pagkaing tulad ng itlog, karne, at
gatas ay mga pagkaing nanggagaling sa mga
hayop.
5. Ang mga hayop tulad ng kabayo, kalabaw, at
baka ay nakatutulong sa mga tao sa pagbubuhat
ng mabibigat na bagay.

ARALIN

Ang mga hayop tulad nating mga tao ay nangangailangan

din ng pagmamahal at pangangalaga. Kailangan natin silang
pangalagaan dahil isa ito sa ating tungkulin bilang tagapag-
alaga at nakatutulong sila sa atin sa maraming bagay.
Nagbibigay sila sa atin ng pagkain, kabuhayan, at tumutulong din
sila sa ating mga gawin.
Kagaya ng mga tao, kailangan ng mga hayop ang tamang
pagtrato upang lumaki sila ng malusog at masigla. Kung hindi mo
sila pangangalagaan ng husto, magkakasakit sila at
mamamatay. Magdadala sila ng impeksyon na makakaapekto
sa ating kalusugan. Gusto mo bang mangyari ito sa
inyong lugar? Tama! Walang may gusto ng ganitong pangyayari.
Tandaan, may mga benepisyo na nakukuha mula sa mga hayop
at tama lamang na tratuhin natin ang mga ito ng nararapat para
sa kanila.
Alam mo ba ang wastong paraan ng pangangalaga sa
mga hayop? Paano natin papangalagaan ng wasto ang mga
hayop? Halika ating alamin!.
Wastong Paraan ng Pangangalaga sa mga Hayop
-Bigyan nang wasto at
sapat na pagkain.
-Bigyan ng malinis na tubig
na maiinom. Kailangan
nito ng pagkain at tubig
upang mabuhay ng
malusog. May iba’t ibang
Figure 1. Pagpapakain sa mga alagang hayop. pangangailangan sa
pagkain ang mga hayop kagaya din ng mga tao. Una sa lahat
dapat nating alamin kung anong klase ng pagkain ang
makabubuti sa kanila.
Bigyan sila ng wastong
silungan tulad ng malinis,
maayos, at ligtas na
tirahan. Kailangan ilagay
natin ang alagang hayop
sa isang lugar na
mapoprotektahan ito sa
Figure 2. Panatilihing malinis ang tirahan nila. mga ibang tao, hayop, at
banta ng kalikasan. Mahalaga ang paglilinis ng kanilang mga
silungan upang hindi ito magsakit. Kung nakatira ang mga ito sa
kagubatan, dapat protektahan ang kanilang tirahan sa mga
nangangaso at namumutol ng punong-kahoy.
Kung mayroon kang mga alagang hayop gaya ng aso
o kuneho, makabubuti sa kanila na makawala paminsan-minsan.
Hayaan silang maglaro at maglakad. Mainam ito na ehersisyo
para sa kanila.
 • Regular na paliguan ang
mga alagang hayop.

Figure 3. Paliguan ang mga alagang

hayop.

• Dalhin ang mga hayop sa

beterinaryo kung may
karamdaman.
Ang beterinaryo ay isang
doktor sa mga hayop. Kung
mayroon silang mga
karamdaman, bigyan sila ng
tamang gamot na ipinayo ng
beterinaryo. Dapat ding bigyan
Figure 4. Ipagamot ang alagang hayop. ng bakuna laban sa rabis ang
mga alagang hayop tulad ng
aso at pusa.
Ang rabis ay isang virus na nakaaapekto sa mga warm-
blooded na hayop tulad ng aso at pusa. Kapag kinagat ng
hayop ang isang tao, mataas ang tsansang pagkakaroon ng
rabis. Kalimitan itong nakukuha sa mga hayop na may rabis.
Nakamamatay ang rabis sa mga tao at hayop.

Bigyan sila ng sapat na oras at

atensiyon. Ipakita sa mga ito na
talagang pinapangalagaan mo ang
mga ito. Gaya ng mga tao, mayroon
din silang pakiramdam.

Figure 5. Bigyan ng atensiyon at

oras ang mga alagang hayop.
 MGA PAGSASANAY

Gawain 1: Bilugan ang Tama

Panuto: Bilugan (Ο) ang letra ng tamang sagot.
1. Kinakailangang dalhin ang mga may sakit na hayop sa
_____________ upang maipagamot.
A. albularyo B. beterinaryo
C. manghihilot D. pediatrician

2. Ang ____________ sa mga hayop ay nangangahulugang brutal

at masamang pakikitungo sa mga hayop.
A. debosyon B. pag- aalaga
C. pagmamahal D. pagmamalupit

3. Nangangailangan ang mga hayop ng ____________ at pag-

aaruga mula sa atin.
A. atensiyon B. pagmamalupit
C. pagpapabaya D. pagtatakwil
4. Kinakailangang malinis at ligtas mula sa panganib ang
____________ ng mga alagang hayop.
A. pagkain B. tirahan C. tubig D. sakit
5. Kailangan ng mga hayop ang tamang pagtrato upang lumaki
itong ______________ at ______________.
A. mabango at malinis B. mahina at sakitin
C. malusog at masigla D. payat at mataba

Gawain 2: Masaya o Malungkot ?

Panuto: Lagyan ng ang bilang na nagpapakita ng wastong

paraan ng pangangalaga ng hayop, at kung hindi.

_____1. Regular na pakainin ang mga hayop.

_____ 2. Itapon ang mga pusa para mabawasan ang mga
 pinakakaing hayop.
_____ 3. Ang pagpapaligo sa alagang hayop ay masama.
_____ 4. Linisin palagi ang kulungan ng mga hayop.
_____ 5. Dalhin sa beterinaryo ang alagang hayop kapag ito ay
may sakit.
Gawain 3: Pusuan mo!
Panuto: Pag-aralan ang mga larawan. Lagyan ng kahon kung
ito ay nagpapakita ng wastong paraan ng pangangalaga
sa hayop at kung hindi.

1. 2. 3. 4. 5.
 PAGLALAHAT

Tulad ng mga tao, kailangan din ng mga hayop ng wastong

pangangalaga. Ano ano ang mga paraan ng pangangalaga sa
hayop? Isulat ang iyong sagot sa kaukulang kahon.

Wastong Paraan ng Pangangalaga sa Hayop

_________________ _________________ _________________

_________________ _________________ _________________
_________________ _________________ _________________
_________________ _________________ _________________

_________________ ____________________
_________________ ____________________
_________________ ____________________
_________________ ____________________

PAGPAPAHALAGA

Responsibilidad nating lahat ang pangangalaga sa mga

hayop. Kailangang iwasan ang pagmamalupit sa mga hayop
sa anumang paraan. Kailangan silang pangalagaan at
proteksiyunan. Maraming hayop ang nalalagay sa panganib
o di kaya’y nalilipol bawat araw. Kung ikaw ay may alagang
hayop paano mo matitiyak na ang iyong alagang hayop ay
lalaking malusog? Kung ikaw ay walang alagang hayop
paano ka makatutulong para mapalaganap ang wastong
pag-aalaga ng hayop.
 May Walang
Alagang Alagang
Hayop Hayop

_______________________ ___________________
_______________________ ___________________

_____________ ____________
_____________ ____________

_____________ ____________
_____________ ____________

_____________ ____________
_____________ ____________

PANAPOS NA PAGSUSULIT

Panuto: Bilugan (Ο)ang letra ng tamang sagot.

1. Ang pagbibigay ng sapat at wastong pagkain sa mga hayop
ay nagpapakita ng ___________.
A. pangangalaga sa hayop. B. pagpapahirap sa hayop.
C. pagpapabaya sa hayop. D. pagpaparami ng hayop.

2. Ang sumusunod ay mga wastong paraan ng pangangalaga sa

hayop MALIBAN sa isa.
A. pagpapagamot kapag ito ay may sakit.
B. pagbibigay ng malinis at ligtas na tirahan.
C. pagpapaligo ng regular sa alagang hayop.
D. pagpapagutom at pananakit sa alagang hayop.
3. Anong paraan ng pangangalaga sa hayop ang ipinakikita sa
larawan?

A. pagpapaligo sa alagang hayop.

B. pagdadala sa beterinaryo para ipagamot.
C. pagbibigay ng wasto at sapat na pagkain.
D. Pagbibigay ng sapat na oras at atensiyon.

4. Bakit mahalaga na magkaroon ng ligtas at malinis na tirahan

ang mga hayop?
A. upang sila ay mabuhay.
B. upang sila ay hindi makagala.
C. upang sila ay lumaking malusog.
D. upang hindi sila makakuha ng sakit.

5. Ano ang ipinakikita sa larawan?

A. pananakit sa hayop.
B. pag- aalaga sa hayop.
C. pakikipaglaro sa hayop
D. pagmamahal sa hayop.
 SUSI SA PAGWAWASTO

Paunang Mga Pagsasanay Panapos Na

Pagsubok Gawain #I Pagsusulit
1. B 1. A
1. A 2. D 2. D
2. D 3. A 3. A
3. D 4. B 4. C
4. C 5. C 5. A
5. A
Balik – aral Gawain #2 Gawain #3

1. 1. 1.
2. 2.
2.
3. 3.
3.
4. 4.
4. 5. 5.

5.

Sanggunian
K to 12 Grade 3 Learner’s Material in Science Q2
K to 12 Grade 3 Teacher’s Guide in Science Q2
https://www.google.com/image

Sacatropes, Arthur DC., et al. Science Learner’s Material 3.

Kagawaran ng Edukasyon at Rex Bookstore Inc.
Pilipinas: Lungsod ng Pasig, 2015.

Franco, Aurora A., et al. Exploring the world of Science 3. K to 12 Edition

Kagawaran ng Edukasyon at Adriana Publishing Co.,Inc.
Pilipinas: Lungsod ng Pasig, 2014.