Professional Documents
Culture Documents
Секое нешто, секоја појава и проблем може да станат предмет на филозофското мислење.
За Филозофијата е интересно сè што може да предизвика прашање, духовна
заинтересираност, интелектуално внимание, мисловен ангажман.
РАЃАЊЕТО НА ФИЛОЗОФИЈАТА
Античка филозофија
-Седумте мудреци
• Првите филозофски размислувања во античка Грција ги создале седумте мудреци:
Солон, Хилон, Питак, Перијандар, Бијас, Клеобул и Талес
-Платон опишал дека мудреците се состанале во Делфи и дека својата човечка мудрост
му ја посветиле на Аполон-богот на мудроста. Таму ги запишале најпознатите антички
изреки: запознај се себе! Ништо претерано !
Првите филозофи
-Први филозофи биле Талес и неговите ученици, наречени Милетска школа, како и
Питагора и неговите следбеници.
Анексимандар- Тој е од Милет и бил ученик на Талес. Тој е автор на првата филолофска
книга, со наслов "За природата"Тој се истакнал како физичар, географ и државник.
Конструирал и вовел сончев часовник. Ја изработил првата географска карта, како и некој
вид небесен глобус, а намислил и повеќе инструменти за градежништвото.
Тој вовел филозофски поим - апејрон, со значење "неограничено, бесконечно", "она што
нема би почеток ни крај”
Основа за настанувањето и за пропагањето на појавите во природата е спротивностите
што ги содржи праосновата - како што се топло и студено, суво и важно
Една анегдота објаснува што подразбирал Питагора под филозофија. Еден крал го прашал
со што се занимава, а тој одговорил дека е Филозоф. Кралот побарал да го објасни тој
збор. Питагора одговорил со споредба: На Олимписките игри едни доаѓаат да се здобијат
со слава (натпреварувачи), други да се здобијат со богатство (трговци), а трети за да
гледаат. На натпреварувачите им се најважни почестите, на трговците богатството, а на
гледачите им е најважна вистината. Токму со тоа се занимаваат филозофите: со вистината.
- следбениците на Питагора се нарекувале питагорејци, а своите учења питагорејски.
Питагорејците не го барале архе во менливите нешта бидејќи настануваат и исчезнуваат.
Тие архе го барале ВП нешто што може да биде трајно, вечно и и затоа за архе го сметаат
бројот Питагора сметал дека све може да се запише со број и се во природата е бо
совршен сооднос. Питагореците на броевите им даваат мистични својства и
карактеристики.. Се може да се запише со број Идеален број за нив е бројот 10 преку
1,2,3,4 а 2+3 е бракот.
Бројот е суштина на сè што постои. "Сите нешта што можат да се сознаат имаат број, без
него ништо не може да замислиме и сознаеме"
- секое својство може да се мери, изброи, споредува. Броевите можат да се видат во сите
нешта, тие се принцип и причина на сè. Броевите се вечни, неменливи, трајни,
неуништиви; како такви тие се основа на сè што постои
-Суштината на природата е бројот !
Питагорејците учеле дека душата ce сели (метапсихе). Душата на човекот е бесмртна и
приминува од еден облик во друг и затоа е важно во животот кои го живееме душата да
ни биде хармонизирана за да може душата да ни биде вечна да се претвори во
посовршена форма а не во животинска . Тој вели дека има два начина да се живее.
Едното е само да се седи и набјудува а другото да се дејствува да се даваат мислења.
Елејска школа
-Во јужна Италија во градот Елеја е создадена школа чии мислители имале став дека
битието е неподвижно и неменливо и секогаш останува исто. Тоа е во форма на топка и е
совршено.
Битието е божество, но не е личност, туку целина, истовидна со целата вселена.
Небитието (то ме он)/празнина не може да се замисли, затоа тоа не постои. Постои само
битието (то он). Битието ниту настанува ниту исчезнува и е неменливо и секогаш е исто.
Значи, битието не настанува, не се менува и не пропаѓа, секогаш е исто, идентично на
себе.
Само битието може да се мисли, бидејќи едно исто е да се мисли тоа што суштествува и
неговото суштествување. Не е можно да се мисли она што го нема. Кога се мисли, се
мисли нешто; а тоа е самото битие.
- Представник на оваа школа е Парменид
Парменид
-Тој бил од Елеја. Негови ученици се Зенон и Мелис.
Бил под влијание на питагорејството и се противставил на Хераклитовото учење за
вечното движење и за промената. Парменид разликува два вида познание едното е
сетилното, коешто нè и в заблуди, а второто е разумското, коешто ни ја покажува
вистината. Со сетилата ние забележуваме настанување, множественост, менување и
исчезнување, движење и пропаѓање. Тоа за Парменид не е вистинската реалност.
Сетилата не можат да ја дофатат вистината; само разумот може да ја мисли вистината.
Битието е единствената вистина. Парменид е против сетилното искуство како привид и
заблуда.
Еден шегобиец шетал пред Парменид кога овој раскажувал дека нема движење. Сите се
насмеале, па и самиот Парменид, кој истакнувал дека движењето е лошо сфаќање, кое
зависи од сетилата, а туѓо му е на разумот. Зенон дал необични докази дека неговиот
учител е во право.
-Зенон е ученик на Парменид. Тој си поставил задача да ги одбрани противниците на
неговиот учител. Зенон развил метод со ко докажувал дека се точни ставовите на
Парменид. Тој тоа го нарекувал апории. Преку неговите апории (безизлез) докажувал
дека поимот движење е, невозможен. Така, ако стрелата се движи кон целта, таа мора да
прејде половина од патот, па половина од половината, па половина од таа половина итн.,
па бидејќи секогаш ќе има колку и да е мали половини од половините ќе произлегува
дека стрелата никогаш нема да стаса на целта (Дихотомијата -поделба на два дела)
Според апоријата Ахил и желката, брзоногиот херој никогаш не би можел да ја претрча
бавната желка ако нејзе й се даде малечка предност, растојанието меѓу нив никогаш не
би било еднакво на нула (а ние гледаме како тој брзо ја претекнува)
Нашите сетила ни наметнуваат впечатоци кои логички не се оправдани. Со ова се
покажува привидноста на движењето. Во доказот Стадион има три групи тркачи - две
трчаат во различни насоки, а една стои. За оние кои стојат, двете групи се движат со иста
брзина, а за оние што трчаат - тие меѓусебно се оддалечуваат со двојна брзина. Брзината
е иста, а истовремено е и двојна, што значи дека движењето е релативно.
Ученик на Зенон е Левкип кој прв зборувал за атомите.
Демокрит
-Тој бил од Абдера.
Го викале Мудриот. Со прекарот се кажува дека тој и Аристотел биле најучени во таа
епоха.Зрачел со позитивна енергија и ведрина па го викале насмеаниот.
Тој е претставник на атомистичкото учење. Неговите сограѓани го сметале за луд бидејќи
имал големо наследство кое го продал и почнал да патува низ светот и да собира
сознанија . Го повикале и докторот Хипократ но тој кажал дека Демокрит од сите нив бил
најнормален всушност . Демокрит го напишал делото систем на светот кај што докажал
дека не ги потрошил залудно парите и патувал и собирал знаење. Тој се сложувал со
учењето на егејската школа дека битието е статично(неподвижно) но се сложувал дека не
постои ….. . Небитие(неон) е празниот простор во кои се движат атомите .
Сметал дека се што постои( битието) е материјално и е изградено од атомите кои се
ситни неделиви честички.кои не се деливи и се непроменливи. ( Ова се нарекува
Атомизам) . Бидејќи атомите можат да се поврзуваат на разни начини, постојат безброј
светови. Тоа значи дека врските на атомите се привремени, а светот е менлив. Со светот
не владее некое божество или провидение, тука во него сè се случува според законите,
нужно, само по себе. Се настанува од спојување на атомите.
Ефтимија е филозофско учење што кажува дека рој се ослободил од сите негови човечки
мисли и страсти. Главниот метод за постигнување евтимија е (умереноста) мерата.
Духовната вина може да биде резултат само на умереноста во барањата и во насладите.
Ваквото однесување ги смирува лошите страсти во душата, како што се завидливоста,
стремежот кон слава и непријателството