Mary Wollstonecraft. Vindicación de los derechos de lamujer.
Tema: Dentro do contexto da Revolución Francesa e a afirmación de valores
universais como a razón, a virtude, a liberdade e sobre todo a igualdade e fraternidade de tódolos homes , Mary Wollstonecraft neste texto reivindica un recoñecemento da humanidade plena das mulleres e da súa igualdade cos homes, que as faga merecedoras de todos e cada un dos logros da Ilustración así como partícipes todos os novos mecanismos de estruturación social que nacían neste momento. A autora esgrime como argumentos precisamente as propias reivindicacións revolucionarias, facendo patente a contradición que suporía deixar fora ás mulleres dun proceso que precisamente aspira e preconiza a igualdade de toda a humanidade.
Esquema resumo:
1. Para garantir que a sociedade está levando a cabo un proceso real de
progreso cara unha organización mais xusta e rexida pola razón resulta imprescindible que a muller participe no proceso. 1.1.A mulleres participa na educación polo que debe ser educada e a súa razón fortalecida. 1.2.A visión que o home ten da muller ata agora centrada en calidades tipo sexual debe modificarse cara aspectos mais racionais. 1.3.O home non ten autoridade para decidir sobre a felicidade das mulleres. Elas deben ser as donas da súa propia vida como iguales en razón ós varóns. 2. E non incluír ás mulleres no proceso universal de liberdade e igualdade as consecuencias serían: 2.1.A muller non pode ser obrigada a obedecer e a manterse nun estado que non se atinxe á razón salvo de maneira violenta, converténdoa en escrava o que non só a degrada a ela senón tamén ó home opresor. . 2.2.Tiranía, a inxustiza e a opresión seguirán estando presentes na sociedade o que traizoa as ideas Ilustradas e como consecuencia non se produciría unha verdadeira transformación da sociedade en aras dos ideais rexidos pola razón.