MAALA, JEPPSSY MARIE C.

Master of Arts Major in Filipino

FILIPINO 205

1. Bilang isang guro sa paanong paraan ka makakatulong upang maisalba pa ang

kalagayan ng paggamit ng wasto ng mga salita ng mga kabataan?

Bilang isang guro sa Filipino, nakalulungkot na makita ang ilang mga

kabataan na hindi bihasa sa wastong paggamit ng mga salita. Hindi natin
maitatanggi na ang mga kabataan sa panahon ngayon ay walang masyadong
ideya sa paggamit ng ganitong kasanayan. Dagdag pa ang impluwensya ng
mga palabas na kung tawagin ang KDrama. Ngunit paano nga ba maisasalba
ang mga kabataan sa ganitong uri ng problema? Ano-ano ang mga paraan
upang maging bihasa ang mga kabataan sa wastong paggamit ng wastong
salita? Una, kinakailangang maging interesado ang mga kabataan sa pagbasa
ng mga Tagalog na babasahin upang magkaroon sila ng ideya sa mga salita na
hindi gaanong pamilyar sa kanila. Pangalawa, ay ang araw-araw na pag-
eensayo sa paggamit nito. At ikatlo ay, kinakailangang maging seryoso ang
mga kabataan sa pakikinig sa tuwing ito ay tinatalakay sa paaralan.

2. Ibigay ang mga dahilan kung bakit hindi na nagagamit nang wasto ang mga salita sa
paraang pasulat o pasalita ng mga mag-aaral?

Gaya ng nabanggit ko sa itaas, maaaring ang maging dahilan kung bakit hindi
na nagagamit nang wasto ang mga salita ng ilang kabataan ay dahil sa
impluwensya ng tinatawag na Kdrama at mga kantang Kpop. Isa rin sa
nakikita kong dahilan ay ang hindi pagsasa-isip at pagsasa-puso ng ilang
kabataan sa ganitong paksa sa tuwing ito ay tinatalakay sa paaralan.

3. Batay sa pag-aaral ng Komisyon ng Wika nasa ilang porsyento ng mga mamamayan

sa ating bansa ang nagagamit pa ng wasto ang mga salita sa larangan ng
pakikipagtalastasan.

Inyong ipagpaumanhin sapagkat wala akong ideya sa wastong kasagutan.

Aking sinaliksik sa internet ngunit ako’y bigo na makakuha ng wastong
kasagutan.

4. Naniniwala ba kayo na ang teknolohiya ay isa sa dahilan ng hindi maayos na

paggamit ng mga salita sa paraang pasalita o pasulat lalong higit ng mga mag-aaral.

Oo, sapagkat kasabay ng pagkalap ng makabagong teknolohiya ay nalilimutan

na ng mga kabataan ang wastong paggamit ng wastong salita. Maraming mga
nakikita ang mga kabataan sa mundo ng teknolohiya na hindi nakatutulong sa
paggamit ng wastong salita.

5. Ano sa palagay ninyo ang maaari nating gawing adbokasiya sa pagpapaunlad ng

paggamit ng wasto ng mga salita lalong higit sa paaralan?
WASTONG SALITA, PARA SA WASTONG KAALAMAN!
Ito ang pamagat ng adbokasiya na nais ko ipatupad upang magkaroon ang
kabataan ng wastong kaalaman sa paggamit ng wika. Ang adbokasiyang ito ay
makatutulong upang maging bihasa ang mga kabataan sa paggamit ng wastong
salita. Kinakailangang kada araw ay mayroon silang limang salita na alam
kung ano ang wastong gamit nito.