Filipino 205

Pagtatamo at Pagkatuto ng Wika

Mga Teorya at Praktika
Enero 31, 2021 3:00 N.H.- 6:30 N.H.
Francis D. Tenorio
Sarah S. Competente
 Ano nga ba ang wika?
- Ito ay itinuturing na arbitraryong sistema
ng mga tunog na ginagamit sa
paghahatid at pagtanggap ng mensahe.

- Maaaring gawin ang pagpapahayag

ng xwika sa paraang pasulat o pasalita.
 Sa pagtuturo ng wika, dapat nating
isaalang-alang ang limang mahahalagang
elemento o komponent:
(1) Mag-aaral,
(2) Guro
(3) Materyal
(4) Istratehiya
(5.) Pagtaya
 Upang maging matagumpay kang guro
ng wika, isaisip mong lagi ang mga salik
na nakaaapekto sa pagkatuto ng wika sa
kaligirang akademik. Maaaring uriin ang
mga salik na nabanggit.
MAG-AARAL
- Ilan sa mga salik na may kaugnayan
sa pagkatuto ng wika ang antas ng
intelektwal na pag-unlad ng mag-aaral,
haba o antas ng interes o atensyon at
panatag na kalooban at ekstrinsik o
panlabas na motibasyon.
 - Sa ilang pagkakataon, magiging
mahalaga ang paggamit ng intrinsic na
motibasyon at sa iba naman, ang ekstrinsik
na motibasyon.

- Nagiging mabilis at mabisa ang

pagkatuto ng mag-aaral kung ang proseso
ng pagkatuto ay gumagamit sa katalinuhan
ng mag-aaral.
 Nararapat kung gayon na gumawa ang
guro ng iba’t ibang pamamaraan upang
matugunan ang nagkakaibang katalinuhan
ng mga mag-aaral sa proseso ng
pagkatuto.
GURO
- Guro ang namamahala sa
paghahanda ng mga makabuluhang
Gawain sa pagkatuto, karagdagang
motibasyon sa mga mag-aaral at regular na
pagtaya ng kanilang pag-unlad sa pag-
aaral.
- Bukod sa nabanggit, napakahalagang
may malawak na kabatiran ang guro sa
asignaturang kanyang itinuturo. Wika nga,
“Hindi maibabahagi ng guro ang anumang
bagay na hindi niya taglay.”
MATERYAL
- Nakasalalay ang pagkatuto ng mag-
aaral sa uri ng wika at material na
ginagamit sa klasrum.

- Sikapin mong maging balance

ang uri ng materyales na iyong
gagamitin sa klasrum upang
matiyak ang pananagumpay mo
bilang guro.
ISTRATEHIYA
Kawili-wili at nakapupukaw ng
interes ang paggamit sa klasrum ng
mga kontemporaryong istratehiya sa
pagtuturo ng wika. Mahalaga ang
antas ng propesyunal na kaalaman ng
isang guro sa mga istratehiya at
pamamaraan ng pagtuturo ng wika.
 Mapapaunlad ng bagong guro tulad
mo ang iyong kasanayan sa paggamit
ng mga makabagong istratehiya sa
pamamagitan ng obserbasyon,
pananaliksik, pagdalo sa mga seminar,
pagsali sa mga intrabisitasyon at
panonood ng mga pakitang-turo.
PAGTAYA
Tradisyunal man o alternatibo,
pantiyak, panuri o laguman, mahalaga
ang uri ng pantaya sa proseso ng
pagkatuto.
Sa mga pasulat na pantaya:

Panuring pagsusulit ang unang

ibinibigay upang magkaroon na
paunang kabatiran sa kahinaan at
kahusayan ng mag-aaral.
 Pantiyak na pagsusulit naman
ibinibigay upang malaman kung
gaano ang natutuhan ng mag-aaral
matapos magturo ng isang
kasanayan. Kadalasang ang
isinasagawa ito pagkatapos ng isang
liksyon.
Lagumang pagsusulit ang
isinasagawa kapag nalinang na ang
serye ng ilang kasanayan o matapos
ang isang yunit.
MGA YUGTO
NG
PAGTUTURO
NG WIKA
 Unang Yugto: PASAMULA (RANDOM)
• Sa yugtong ito, ang mga bata ay lumilikha ng
mga tunog na kakailanganin nila sa pagsasalita sa
mga darating na araw.
• Vocalizing, cooing, gurgling at babbling.
• Ang mga tunog na nililikha ng mga bata ay
marami at iba-iba at ito’y tinatanaw ng mga
matatanda bilang ponema.
• Babbling—binubuo ng magkakalapit na tunog ng
katinig-patinig gaya ng Ma Ma Ma o Da Da Da •
Echoic Speech – Ang mga ginagayang pagbigkas
at pagsasalita.
 Ikalawang Yugto: Unitary
• Patuloy na lumilikha ng maliliit na yunit na
tunog ang mga bata na limitado sa isang
pantig.
• Ang haba ng pagsasalita o likhang tunog
ay naayon sa kalikasan ng pag-unlad na
pisikal at pagkontrol sa paggamit ng
kanilang mekanismo sa pagsasalita
sapagkat ang mga proseso ng paglinang ng
wika at paggulang (maturation) ay
magkasabay na nagaganap
 Ikatlong Yugto: Ekspansyon at
Delimitasyon
• Ang pagsasalita ay umuunlad mula sa
isahan o dalawang pagsasalita hanggang
sa maging katulad na ito ng pagsasalita ng
matanda
• Magiging mabilis ang pagtatamo o
pagkatuto ng mga salita kapag ang
kognitibong kalinangan ng mga bata ay
humahantong sa punto ng pagkaunawa sa
mga bagay, pangyayari at mga tiyak na
pangalan ng mga ito
 Ikaapat na Yugto: Kamalayang
Istruktural
• Upang mailahad nang mahusay ng mga
bata ang kanilang papaunlad at
paparaming mga abstraktong ideya at mga
damdamin, kailangang makarating sila sa
yugtong kamalayang instruktural.
• Ito’y mahalaga upang makabuo sila ng
mga paglalahat at matuklasan nila ang
hulwaran at kaayusan sa pagsasalita.
 • Habang patuloy na nagiging
komplikado ang kanilang pagsasalita,
magagawa nilang magkamali dahil
bumubuo sila ng sariling paglalahat na
kung minsan ay hindi pinapansin ang
mga eksepsyon. Hal: “nikain” vs,
“kinain”
 Ikalimang Yugto: Otomatik
• Sa yugtong ito, ang bata’y
nakapagsasabi ng mga pangungusap na
may wastong pagbabalarila kayat
magagawa na nilang maipahayag ang
kanilang ideya at damdamin kagaya ng
mga matatandang tagapagsalita ng wika.
• Ang mga batang nasa yugtong ito’y may
kahandaan na sa pagpasok sa
kindergarten.
 Ikaanim na Yugto: Malikhain
• Sa yugtong ito, nagagawa ng mga
bata na mag-imbento o lumikha ng
sarili nilang wika. Bagamat ang mga
pariralang gamit ay mga dati nang
naririnig, nagkakaroon sila ng lakas ng
loob dahil nagagawa na nilang
masalita ang ginagamit ng kanilang
mga kaibigan at mga tao sa paligid
 Sa mga natalakay na yugto, malalagom na ang
mga bata ay natututo ng wika sa pamamagitan
ng:
1. Pag-ugnay (Pagtambal ng tunay na bagay sa
tunog ng salita)
2. Pagpapatibay (Anumang positibong papuri
na gaganyak sa isang bata upang ulitin ang
anumang tugon)
3. Panggagaya (Paggagad sa anumang tunog
na narinig sa matatanda)
4. Elaborasyon (Pagpapalawak ng isang salita
upang makabuo ng pangungusap)