Professional Documents
Culture Documents
Дон Кихот
Дон Кихот
„Со еден збор нашиот благородник толку се зари во тие книги што
читаше непрестајно през денот од осамнување до зајдисонце и през
ноќта од зајдисонце до осамнување. И бидејќи Дон Кихот малку
спиеше, а многу читаше, мозокот му се исуши толку што сосем си го
изгуби паметот. Вообразувањето му се наполни со сето она што го
читаше во книгите: магии, расправии, боеви, предизвикувања за
двобој, рани, умилкувања, љубовни походи, маки и какви ли не други
неверојатни измислици.“
Занесен од романите, тој решава да стане рицар-скитник и самиот да
доживее многу авантури.
Најпрво, тој си го променил името, па од Алонсо Кихано станал Дон
Кихот, потоа го исчистил оружјето од неговите прадедовци кое било
`рѓосано и распаднато, на шлемот додал картонски визир бидејќи
вистинскиот бил искршен, четири дена му смислувал достоинствено
име на својот слаб коњ со многу недостатоци – Росинант; и на крајот
требало уште само да најде некоја дама во која ќе се вљуби и на која
ќе и ги посвети своите храбри походи. Ја одбрал девојката од
соседното село Алдонса Лоренсо која ја нарекува Дулчинеја од
Тобозо, име кое му се чинело доволно благородно и благозвучно.
Така подготвен, тргнал во поход.