კაზუსი 1

ჯულია ლოიდი არის ამერიკის მოქალაქე, რომელიც ფლობს წილებს სხვადასხვა კომპანიებში
და ამასთან, ბიზნეს მრჩევლად მუშაობს სხვადასხვა კომპანიისთვის. ჯულია ლოიდი ფლობს
30% წილს ლუქსემბურში რეგისტრირებულ კომპანია „ასტორია“-ში. იგი ასევე ფლობს 40%
წილს ქართულ კომპანია შპს „ნარნია“-ში.

2016 წელს, ჯულია ლოიდი ბიზნეს კონსულტანტად მიიწვია ქართულმა კომპანია შპს
„ინვესტორმა“, რომელსაც სჭირდებოდა საქართველოში სასტუმროს ოპერირებისთვის
კონსულტაცია მომსახურების ხარისხის გამართვის და ხარჯების შემცირების მიზნით.
ჯულია ლოიდმა საკუთარი მოვალეობები შეასრულა ამერიკის შეერთებული შტატებიდან და
სანაცვლოდ შპს „ინვესტორისგან“ მიიღო (ჩაერიცხა) 200,000 ლარის ანაზღაურება. არ
დაიბეგრება, რადგან არ არის საქართველოს რეზიდენტი. მუხლი 104, გ.

2016 წლის ნოემბერში, ჯულია საქართველოში პირველად ჩამოვიდა ქალ ბიზნესმენთა

კონფერენციაზე სიტყვით გამოსვლისთვის, რომლითაც მან საკუთარი გამოცდილება
გაუზიარა ქართველ მეწარმე ქალებს. აღნიშნული სიტყვით გამოსვლისთვის, ჯულიამ
კონფერენციის ორგანიზატორებისგან ჯამში მიიღო (ჩაერიცხა) 40,000 ლარი. უკვე
დაბეგრილია გადახდის წყაროსთან .

2016 წლის ბოლოს, ჯულიამ საკუთარი კომპანიებისგან მიიღო (ჩაერიცხა) შემდეგი

შემოსავლები:
- 100,000 ლარის დივიდენდები შპს „ნარნია“-სგან. უკვე დაბეგრილია გადახდის
წყაროსთან 5 %ით.
- 200,000 ლარის დივიდენდები ლუქსემბურგის კომპანია „ასტორიასგან“ . არ არის
ქართული შემოსავალი
- გაასხვისა 30% წილი ლუქსემბურგის კომპანია „ასტორიაში“ 600,000 ლარად, რომელიც
2012 წელს შესყიდული ჰქონდა 400,000 ლარად. არ არის ქართული შემოსავალი
- გაასხვისა 40% წილი შპს „ნარნიაში“ 300,000 ლარად, რომელიც 2015 წელს
შესყიდული ჰქონდა 100,000 ლარად. დაიბეგრება, რადგან არ არის გასული 2 წელი.

განსაზღვრეთ:
1. შპს „ნარნია“-სგან და ლუქსემბურგის კომპანია „ასტორიასგან“ მიღებული დივიდენდების
დაბეგვრის საკითხი.
2. შპს „ნარნია“-ში და ლუქსემბურგის კომპანია „ასტორიაში“ წილების გაყიდვის დაბეგვრის
საკითხი.
3. შპს „ინვესტორისგან“ მიღებული შემოსავლის დაბეგვრის საკითხი.
4. ქალთა კონფერენციაზე სიტყვით გამოსვლით მიღებული შემოსავლის დაბეგვრის საკითხი.
კაზუსი 2
ფიზიკური პირი დავითი 2013 წლიდან მუდმივად იმყოფებოდა საზღვარგარეთ სამუშაო
მიზნებით. 2014 წლიდან დავითი გახდა პოლონეთის მოქალაქე. 2015 წლიდან იგი დაბრუნდა
საქართველოში სამკურნალო მიზნით. დავითმა საქართველოს ტერიტორიაზე გაატარა
შემდეგი რაოდენობის დღეები:

- 2014 წლის იანვრიდან ივნისის ჩათვლით - 170 დღე, ასევე ამავე წლის დეკემბრის
თვეში დავითი ისევ დაბრუნდა საქართველოში ოჯახის მოსანახულებლად და
დასასვენებლად, სადაც გაატარა 16 დღე. (2014 წელს არ ითვლება რეზიდენტად)
- 2015 წლის ნოემბერში დავითმა ისევ დასვენების მიზნით საქართველოში გაატარა - 15
დღე, (2015 წელს არ არის რეზიდენტი)
- 2016 წლის იანვრიდან დავითმა მიიღო სამუშაო შეთავაზება და დეკემბრის ჩათვლით
იმყოფებოდა საქართველოში.(2016 წელს არის რეზიდენტი)

2014 წელი
დავითმა 2014 წელს პოლონეთში, პოლონეთის რეზიდენტ კომპანიაში მუშაობის შედეგად
ხელფასის სახით მიიღო (ჩაერიცხა) 50,000 ლარის შემოსავალი. (არ დაიბეგრება)
2014 წლის ივნისში დავითმა გაყიდა ამავე წლის იანვარში დისშვილისგან ჩუქებით
მიღებული 1 ოთახიანი ბინა თბილისში, რომლის სარეალიზაციო ფასმა შეადგინა 75,000
ლარი.
დისშვილისთვის დავითი მე-4 რიგის მემკვიდრეა, 150  000 ლარზე ნაკლებია ფასი, ანუ არ
იბეგრება. ნამატი = გაყიდვის ფასი - შესყიდვის ფასი, მაგრამ რადგან შესყიდვის ფასი არ
გვაქვს, ნამატი = გაყიდვის ფასი - ჩუქების დროს საბაზრო ფასი. თუ დავუშვებთ , რომ
საბაზრო ფასი არ შეცვლილა ამ რამდენიმე თვეში, მაშინ არ უნდა დავბეგროთ .
გარდა ამისა დავითმა პოლონეთიდან საკონსულტაციო და სარეკლამო მომსახურება გაუწია
საქართველოს რეზიდენტ კომპანიას ინტერნეტის საშუალებით, რის სანაცვლოდაც მიიღო
(ჩაერიცხა) 30,000 ლარის ანაზღაურება. მუხლი 104. რადგან დავითი არ არის საქართველოს
რეზიდენტი, ეს არ ითვლება ქართულ შემოსავლად და არ დაიბეგრება.
2015 წელი
2015 წელს, დავითმა საქართველოში დასასვენებლად ყოფნის პერიოდში გაუწია სარეკლამო
მომსახურება კომპანია „ელიტს“ რისთვისაც მიიღო (ჩაერიცხა) ანაზღაურება 12,000 ლარის
ოდენობით. მომსახურება გაიწია საქართველოს ტერიტორიაზე, ამიტომ უკვე დაიბეგრა
გადახდის წყაროსთან 10 %ით. მუხლი 134.
2016 წელი
2016 წლის განმავლობაში დავითმა საქართველოში დაქირავებით მუშაობის შედეგად მიიღო
(ჩაერიცხა) 35,000 ლარის შემოსავალი ხელფასიდან. უკვე დაბეგრილია გადახდის
წყაროსთან.
2016 წელს საქართველოში ფიზიკურ პირზე ბინის საცხოვრებელი მიზნით გაქირავებიდან
დავითის მიერ მიღებულმა შემოსავალმა შეადგინა 17,000 ლარი. დაიბეგრება 5 % ით .
დავითმა 2016 წლის 1 თებერვლიდან ასევე გააქირავა მის მიერ თბილისში 2014 წლის 16
მაისს 155,000 ლარად შეძენილი კომერციული ფართი თვეში 7,000 ლარად. დაიბეგრება არა
5ით, არამედ ჩვეულებრივად 20 %ით, რადგან საცხოვრებელი არაა, არამედ კომერციულია.
მოგვიანებით დავითმა საცხოვრებელი ფართი საჩუქრად გადასცა თავის მშობლებს.
ხოლო კომერციული ფართი 2016 წლის დეკემბერში გაასხვისა შპს „კრისტალზე“ 500,000
ლარად. (500 – 155 დაიბეგრება 20 % ით, რადგან 2 წელი გასულია, მაგრამ ეკონომიკურ
საქმიანობაში იყენებდა. )
ვინაიდან დავითი არის პოლონეთის მოქალაქე ის მიიჩნევს რომ სამივე საგადასახადო
წლისთვის ის წარმოადგენს არარეზიდენტ ფიზიკურ პირს, შესაბამისად მას არცერთ წელს არ
გადაუხდია გადასახადები, მათ შორის საშემოსავლო გადასახადი.
განსაზღვრეთ დავითის რეზიდენტობის საკითხი და საგადასახადო ვალდებულებები სამივე
საგადასახადო წლისთვის.