Professional Documents
Culture Documents
სანამ ფილდესი დაიწყებდა ჯილეხის პროგრამას მან ჩაატარა საკონტროლო ცდები ტკიპებზე
და მწერებზე, რომელთა საშუალებითაც ხდებოდა საკვების, კერძოდ პურის დაინფიცირება.
თუმცა ამ მიმართულებით ცდები მალევე შეწყდა, რადგანაც 1942 წელს ჰენდერსონმა და ვუდსმა
შექმნეს სპეციალური აპარატი, რომლის საშუალებითაც მოხდებოდა ბაქტერიული ღრუბელის
გამოფრქვევა. ექსპერიმენტებმა აჩვენა რომ ცხოველების დიდი პროცენტი ინფიცირდებოდა ამ
ხელსაწყოდან გამოფრქვეული ჯილეხის სპორების შემცველი ღრუბლიდან და სიკვდილიანობის
შემთხვევბი საკმაოდ მაღალი იყო. ამის შემდგომ საჭირო იყო უკვე განესაზღვრათ თუ როგორ
მოხდებოდა ამ მეთოდის ჩანერგვა სამხედრო იარაღში. ფილდესის მიერ ჯილეხის ბაქტერიებზე
ჩატარებულმა ექსპერიმენტებმა პორტონში, აჩვენა რომ ყველაზე უფრო წარმატებული შედეგის
მიღება შესაძლებელი იქნებოდა თუ ამ ბაქტერიების განთავსება მოხდებოდა ასაფეთქებელ
იარაღში, გავრცელებისათვის შესაბამისი კონცენტრაციით. ღია ველში ცხოველებზე
ჩატარებულმა ცდებმა აჩვენა, რომ სწორად შერჩეული კონცენტრაციის შემთხვევაში სასურველი
ლეტალური შედეგის მიღება შესაძლებელი იყო. უსაფრთხოების მიზნით ღია ველის
ექსპერიმენტების ჩატარება პორტონის მიდამოებში არ იყო მიზანშეწონილი, სწორედ ამიტომ
1942 წელს ფილდის ჯგუფი ექსპერიმენტების ჩასატარებლად გადავიდა შოტლანდიის
ჩრდილო-დასავლეთის სანაპიროზე გრუინარდის კუნძულზე. აქ აშენდა დროებითი ბანაკი,
რომელიც 50-მდე ადამიანს იტევდა. ამ გუნდს ხელმძღვანელობდა საველე წვრთნებში
გამოცდილი სპეციალისტი სერ გრაჰამ სატონი, რომელსაც ბაქტერიოლოგიურ საკითხებში
ხელმძღვანელობას უწევდნენ ჰენდერსონი და ვუდსი. ამ ექსპერიმენტების ძირითად მიზანს
წარმოადგენდა ლეტალური შედეგის მიღება, 13 კილოგრამიანი მოდიფიცირებული ქიმიური
ბომბების გამოცდა, რომლებშიც ჩანერგილი იყო ჯილეხის ბაქტერიების შემცველი ხსნარი.
მეტალის თხელკედლიან ბომბებში ჩადებული იყო 3 ლიტრიანი ბაქტერიული ხსნარი.
იმისათვის რომ ბომბების მიზანში მოხვედრა ყოფილიყო მაქსიმალური სიზუსტით მათ
თავდაპირველად აფეთქებდნენ 1.7 მეტრის სიმაღლეზე, ბომბი ფეთქდებოდა მიწაზე
მოტავსებული ელექტრონული დეტონირებით. ბომბების აფეთქების შემდეგ მინდვრის თავზე
ჩნდებოდა ღრუბელი. ამ ექსპერიმენტებში საცდელ მასალად გამოიყენებოდა ცხვრები. ერთ
კვირიანი ცდების შემდეგ ჯილეხით დაინფიცირდა და დაიღუპა ყველა ცხვარი. აგრეთვე
დადგინდა რომ ბაქტერიების გავრცელება, რომელსაც ლეტალური შედეგი ჰქონდა,
შესაძლებელი იყო 365 მეტრის რადიუსით. ამ ტიპის ბიოლოგიური ბომბები უფრო
ძლიერმომქმედი აღმოჩნდა ვიდრე ამავე ზომის სხვა ქიმიური იარაღი. შემდეგ ცდები
გაგრძელდა უკვე მინიმალური ლეტალური დოზის დასადგენად. ამ ცდებმაც აჩვენა რომ მცირე
ზომის ბიოლოგიური ბომბები უფრო ეფექტურ შედეგს იძლეოდა ვიდრე ქიმიური ბომბები.
შემდგეგ უკვე ბომბების გამოცდა დაიწყეს უფრო მაღალი სიმაღლიდან, კერძოდ ველინგტონის
ბომბდამშენიდან ბიოლოგიური ბომბი გადმოაგდეს 2130 მეტრის სიმაღლიდან. მაგრამ ბომბი
ტორფიან მინდორში ჩავარდა და ბაქტერიების გავრცელება შეფერხდა. ამ წარუმატებელი
მცდელობის შემდეგ საცდელი ბომბი ჩამოაგდეს სანაპიროზე 1500 მეტრი სიმაღლიდან. ცხვრები
რომლებიც განლაგებული იყვნენ სანაპიროზე 295 მეტრის რადიუსით ჯილეხით
დაინფიცირდნენ. საველე პირობებში ჩატარებულმა ცდებმა აჩვენა, რომ ბიოლოგიური იარაღის
შექმნა სრულიად შესაძლებელი იყო. დადგენილი იქნა მინიმალური ლეტალური დოზა
ცხვრებისათვის და აგრეთვე ის პერიმეტრი რა პერიმეტრზეც ვრცელდებოდა ჯილეხის
ბაქტერიები (460 მ). აქედან გამომდინარე სავსებით ნათელი იყო რომ ჯილეხის ბაქტერიები 100-
1000 ჯერ უფრო ეფექტური იყო ვიდრე ნებისმიერი იმ დროს უკვე აპრობირებული და
გამოცდილი ქიმიური იარაღი.
სელის ქადებს ამზადებდა ლონდონელი მესაპნე და ყოველ კვირას პორტონ დაუნში აგზავნიდა
250 000 ცალს. პორტონის ლაბორატორიაში მარტივ დანადგარს თითოეულ ქადაში შეყავდა 1010
/მლ სპორების შემცველი 0.05 მილილიტრი ხსნარი. სულ იყო 4 ასეთი დანადგარი რომელიც
დღეში აწარმოებდა 12 800-მდე სელის ქადის ბაქტერიულად შევსებას. ამ დანადგარებზე
მუშაობდა ერთი სამხედრო ექიმი-ოფიცერი, 14 გამოცდილი ქალი-ოპერატორი, ერთი
ლაბორანტი, ორი მუშა და ერთი დამხმარე. ამის შემდეგ ქადებს აშრობდნენ 60 C ორი საათის
0
განმავლობაში გამოსაწვავ დიდ ღუმელებში. 5 მილიონი ჯილეხიანი ქადა დამზადდა 1942 წლის
ბოლოს და 1943 წლის დასაწყისში და 400 ცალად ჩალაგდა ყუთებშიდა ეს მარაგი ომის
დასრულებამდე ინახებოდა პორტონში. გათვლები გაკეთდა გერმანიაში საძოვარი მიწების
წილისა და საქონლის სავარაუდო რაოდენობის მიხედვით, აგრეთვე საოპერაციო ფრენის
სიმაღლისა და სიჩქარის მიხედვით. სულ საჭირო იყო 5000000 ცალი სელის ქადა. ოპერაცია
უნდა ჩატარებულიყო ან ერთჯერადად ან სამი ან ორი მცირე რეიდის განხორციელებით.
ერთჯერადი შეტევის სცენარი გულისხმობდა მასიურ ერთეულ რეიდს 1250 თვითფრინავით,
რომელთაგან თითოეულზე იყო ქადებით სავსე 9-10 ყუთი, რომლებსაც ისინი გადმოყრიდნენ
ბომბდამშენიდან 18-20 წუთის განმავკლობაში 360კმ/ს სიჩქარით ფრენის დროს. თუმცა ინგლისს
არ გამოუყენებია ეს ბიოლოგიური იარაღი და მან გაანადგურა თავისი მარაგი ომის
დასრულებიდან ცოტა ხანში.
1930 წლებში კანადელი მეცნიერები კარაგად იყვნენ ინფორმირებულები იმის თაობაზე რომ
ომის შემთხვევაში მოსალოდნელილი იყო მომწამვლელი გაზების გამოყენება ზოგიერთი
ქვეყნის მხრიდან, რადგანაც პირველი მსოფლიო ომის დროს მომწამვლელი ქიმიური
ნივთიერებების გამოყენებამ მძიმე დანაკლისი მიაყენა როგორც ჯარს ასევე მშვიდობიან
მოსახლეობას. მეორეს მხრივ ისეთი მეცნიერები როგორებიც იყვნენ ბანტინგი და ჰაასი მხარს
უჭერდნენ ამერიკელი მეცნიერის ჯეიმს კონანტის შეხედულებას იმის თაობაზე რომ ახალი
ტიპის მომწამვლელი და მხუთავი გაზების წარმოება უფრო ამორალური არ იყო ვიდრე
ჩვეულებრივი საბრძოლო იარაღის წარმოება. მაშინ როდესაც ჟენევის პროტოკოლი კრძალავდა
როგორც ქიმიურ ასევე ბიოლოგიურ იარაღს, კანადაში ნაკლებად მიმდინარეობდა დებატები ამ
საკითხთან დაკავშირებით. ეს სიტუაცია შეიცვალა 1935 წელს როდესაც კანადის ჟურნალში
გამოქვეყნდა სტატია სათაურით „ დაავადებების გამომწვევი ბაქტერიები შთანთქავენ ქალაქებს
მომავალი ომის შემთხვევაში.“ ბანტინგმა გამოთქვა დიდი შეშფოთება ამასთან დაკავშირებით
და მოამზადა დეტალური ანალიზი მოსალოდნელი ბიოლოგიური შეტევის საშიშროების
შემთხევევაში. ბანტინგმა აგრეთვე გააფრთხილა კანადის მთავრობა რომ გერმანიასა და
იტალიაში მიმდინარეობდა ამ ორი ტიპის იარაღის წარმოების ინტენსიური კვლევები და რომ
არც იტალია და არც გერმანია ომის შემთხვევაში უარს არ იტყოდა მათ გამოყენებაზე. ამის
შემდგომ ბანტინგს უფლება მიეცა დაეწყო საიდუმლო ბიოლოგიური კვლევები ტორონტოს
უნივერსიტეტში. ბანტინგის აზრით პირველ რიგში უნდა შეექმნათ ანტი- ტეტანური და ტიფის
საწინაარმდეგო შრატები და ვაქცინები, როგორც სამხედროებისათვის ასევე მშვიდობიანი
მოსახლეობისათვის. თუმცა ბანტინგს ამ მიმართულებით ხელი შეუშალა ინგლისის სამედიცინო
კვლევების კომიტეტის თავმჯდომარე ედვარდ მელანბიმ, რომელიც არ იყო დარწმუნებული
იმაში რომ ბიოლოგიური იარაღის შექმნა და შემდგომ მისი გამოყენება შესაძლებელი იქნებოდა
ომის დროს.
პირველი ექსვი თვის განმავლობაში გროსს აილის სადგური მრავალ სიძნელეს გადააწყდა.
პირველ რიგში დაგვიანდა ლაბორატორიების მშენებლობა და აღჭურვა სათანადო აპარატურით.
მიურეის თხოვნა რომ კვლევით ჯგუფში შესულიყო 15 მეცნიერი, რომელთა შორის იყო 3
კვალიფიციური მეცნიერი არ შესრულდა. გარდა ამისა არ ხდებოდა ლაბორატორიების საჭირო
რაოდენობით საექსპერიმენტო ცხოველებით მომარაგება. მიუხედავად ყველა ამ
წინააღმდეგობებისა 1943 წლისათვის მნიშვნელოვანი შედეგები იყო მიღებული ჭირის
ვაქცინების შემსწავლელ ლაბორატორიაში. მუშაობას აფერხებდა ის ფაქტიც რომ ხშირ
შემთხვევაში ტექნიკური გაუმართაობის გამო სრულად არ იყო დაცული უსაფრთხოების
პირობები. 1944 წლის აგვისტოს ბოლოს კანადა-ამერიკის ჯილეხის პროგრამა გაუქმდა და ის
მეცნიერები რომლებიც მონაწილეობას იღებდნენ ამ პროექტში აპარატურის ნაწილთან ერთად
უნდა გადასულიყვნენ საფილდში. ხოლო ჯილეხის ბომბების შემქმნელი აპარატი უნდა
გადაგზავნილიყო დეტრიკში. ამ პერიოდისათვის გროსს აილზე უკვე შექმნილი იყო მაღალი
ხარისხის 500 ლიტრი ჯილეხის ბაქტერიული ნიმუში, რომელიც საკმარისი იქნებოდა 2000
ბომბის შესაქმნელად. 1945 წლის ივნისში როდესაც ეს პროგრამა საბოლოოდ დაიხურა გროს
აილზე შექმნილი იყო რქოსანი პირუტყვის ჭირის ვაქცინის დაახლოებით 2000 ერთეული.
1943-45 წლებში გარდა ლაბორატორიული სამუშაოებისა გროსს აილზე მიმდინარეობდა საველე
ტესტირებებიც. კანადელმა და ამერიკელმა მეცნიერებმა შეძლეს მაღალი ლეტალური
გამოსავლის მქონე ბოტულინის ტოქსინის შექმნა. ინგლისელი და ამერიკელი სადაზვერვო
სამსახურების ცნობით გერმანელები აპირებდნენ ამ ტოქსინის გამოყენებას მოკავშირე სამხედრო
ძალების წინააღმდეგ. ამიტომ მიურეის ლაბორატორიაში შეიქმნა ბოტულინის ვაქცინა
იმუნიზაციისათვის და აგრეთვე ბოტულინის ტოქსინი როგორც თავდასხმითი იარაღისათვის.
ომის დასასრულისათვის სუფილდსა და დეტრიკში მომუშავე მეცნიერები აწარმოებდნენ
ქვეითი ჯარის წინააღმდეგ გამოსაყენებელ ორი ბიოლოგიური იარაღის ტესტირებას -
ბრუცელოზის და ტულარემია. ბრუცელოზი მიიჩნეოდა უფრო ეფექტურ იარაღად რადგან იგი
უფრო სტაბილური აგენტი იყო და მას მწყობრიდან გამოყავდა და არ კლავდა ადამიანს. 1944
წელს საფილდში ჩატარდა ბრუცელოზის შემცველი ორი ტიპის ბომბების საველე ტესტირება,
რამაც აჩვენა რომ ასეთი იარაღის გამოყენება მტრის წინააღმდეგ საკმაოდ ეფექტური იქნებოდა.
პრობლემა იყო ის რომ ამ იარაღის გამოყენების შემთხვევაში აუცილებელი იყო ანტიტოქსინის
და შესაბამისი სამედიცინო თერაპიის არსებობა, რომელიც უზრუნველყოფდა მოკავშირე
ჯარების უსაფრთხოებას.