8 Walong Katangian ng Epektibong Guro 1. Malikhain 2. Maparaan at Gumagamit ng iba’t ibang estratehiya sa pagtuturo 3. May positibong ugali/ May kaaya-ayang katauhan 4. Bukas ang isipan sa mga pagbabago 5. May respeto 6. May kahandaan 7. Marunong tumanggap ng kamalian 8. Mapagmahal At ang limang katangian na tinataglay ko na karapat-dapat sa propesyong ito ay ang: Pagiging mapagmahal – Alam ko sa sarili ko na ako bilang tao ay mapagmahal, dahil oahat naman tayo ay kailangan ng pagmamahal. At bilang guro sa hinaharap magagamit ko ito sa aking propesyon sapagkat bolang isang guro kailangan na maging mapagmahal ka sa iyong mga mag-aaral dahil ikaw ang tatayo bilang pangalawang ama o ina sa mga mag-aaral. At tinataglay ko ang pagiging mapagmahal sapagkat alam ko kung ano ang pakiramdam ng minamahal at alam ko sa sarili ko na makakaya kong ibigay ang pagmamahal din sa iba lalong lalo na sa aking mga mag-aaral. May respeto- Lahat tayo ay gusto na i-respeto ngunit hindi lahat nagagawa ito sa iba. Ako gusto ko na ginagalang at nirerespeto ako at bago ko makamit ang respeto mula sa ibang tao ay dapat ko rin silang pakitaan ng aking pagrespeto kaya masasabi ko na taglay ko ang katangiang ito na karapat-dapat taglayin ng isang mabuti at epektibong guro. Marunong tumanggap ng kamalian- Sabi nga nila walang perkpektong tao sa mundo, at bilang tao tayong lahat ay nagkakamali. Maging sino ka man, maging isang pinaka-mayaman o pinaka-sikat ka man ay hindi ka pa rin perpekto. At ako bilang isang guro sa hinaharap alam ko na dadating ang mga pagkakataon na hindi ako magiging perpektong guro at maaaring magkamali, kaya masasabi kong taglay ko ang katangiang ito sapagkat alam ko na hindi ako perpekto at kailangan ko rin tanggapin ang mga kamalian ng aking mga magiging mag-aaral. Bukas ang isipan sa mga pagbabago- Nararapat sa isang guro na maging bukas ang isipan sa mga pagbabago lalo na pagdating sa pagtuturo. At alam ko sa aking sarili na taglay ko ang katangiang ito sapagkat handa ako sa mga pagbabagong magaganap sa hinaharap, alam ko na kailangan kong makiayon sa kung ano ang mas mabuti at nauuso. May positibong ugali/ may kaaya-ayang katauhan- Alam ko na taglay ko ang katangiang ito patunay lamang na marami akong kaibigan at kahit saan ako ilagay ay makakahanap ako ng kaibigan. At bilang isang guro sa hinaharap ay makakatulong ang ugali kong ito uoang mapalapit sa akin ang loob ng aking mga magiging mag-aaral. Makakatulong ito para hindi sila magdalawang isip na lumapit sa akin bilang kanilang guro.