Professional Documents
Culture Documents
BANGHAY-ARALIN
FILIPINO 11
I.LAYUNIN:
nakapagbibigay ng kahulugan at layunin ng Tekstong Persuweysib
nabibigyang-halaga ang gamit ng Tekstong Persuweysib sa pang-araw-araw
nakapagsusulat ng isang halimbawa ng Tekstong Persuweysib
II.PAKSA:
Tekstong Persuweysib (Kahulugan at Layunin)
III.KAGAMITAN:
aklat, banghay-aralin, biswal na kagamitan
IV.PAMAMARAAN:
Panimulang Gawain:
Panalangin: Tatawag ng isang mag-aaral upang pangunahan ang panalangin
Pag-tsek ng liban sa klase
Ilang paalala
Pagbabalik-aral: Tekstong Impormatibo – Nagbibigay ng impormasyon at
ebidensya tulad ng mga report, ulat, balita at iba pa. Naglalayon itong
magpabatid.
Pagganyak: Pagpapakita at pagpaparinig ng video (Biyahe Tayo ni Regine
Velasquez) at ipasusuri sa mga mag-aaral ang video na napanood at
napakinggan.
Tungkol saan ang inyong napanood?
Ano ang inyong mga nakita?
Ano ang nais ipabatid nito sa ating mga Pilipino?
Magkakaroon ng malayang talakayan sa loob ng klase batay sa mga
sagot ng mag-aaral at agad itong iuugnay sa magiging paksa o aralin sa
araw na ito.
Presentasyon:
Pagsagot sa mga tanong pagganyak
Pagpapabasa at pagsusuri sa isang halimbawa ng tekstong Persuweysib (power
point)
Pagtalakay sa Aralin: Tatalakayin sa bahaging ito ang paksa – Tekstong
Persuweysib (kahulugan at layunin)
Tekstong Persuweysib
tekstong nanghihikayat upang tanggapin ang sinasabi o
mapaniwala ng awtor o mananalita ang mga bumabasa,
nanonood o nakikinig
may kahirapang idebelop ito sapagkat kailangang makumbinsi
ang tagabasa o tagapakinig sa ipinapahayag, partikular sa mga
kontrobersyal na isyu
hindi hiwalay ang paggamit ng emosyon sa pagpapahayag na ito
upang mahikayat ang tagabasa o tagapakinig
ang mga ekspresyon/salita na sumasapol sa damdamin ang
mahalagang kasangkapan sa pagpapakitaw ng emosyon
matagumpay ang ganitong pagpapahayag kung naipahiwatig o
naipakita ng awdyens ang pasasalamat, pagsang-ayon, pagkilos
tungo sa pagbabagong magaling at pagtalima/pagsunod sa
kahilingan ng manunulat o tagapagsalita
layunin ng ganitong pahayag na makapagbabago ng atityud o
beheybyor ng awdyens
layunin ng pagpapahayag na ito na umakit ng taga-pakinig o
mambabasa at upang higit na maging makatotohanan ang
panghihikayat kinakailangang magkaroon ng mga ebidensya o
patotoo
APAT NA URI NG EBIDENSYA:
1) Pangyayari – ito ang pinakaobhektibong ebidensya
2) Obserbasyon – ito ay mga ebidensyang batay sa mga
nakita, narinig, naamoy at nadama
3) Mga Saksi – ito ay mga taong nagpatotoo sa mga
pangyayari
4) Mga Dalubhasa’t Iskolar – sila ang mga taong nagbibigay
ng mga palagay na mapaniniwalaan dahil sa pinag-aaralan
nila ang mga pangyayari, sinusuri ang mga patotoo ng
mga saksi, at pinag-iisipan ang lahat ng katibayan)
Pagpapayaman:
Pangkatang Gawain: Papangkatin ang mga mag-aaral sa apat (4) at bibigyan ng
kani-kanilang gawain batay sa tinalakay na paksa - Tekstong Persuweysib.
PAMANTAYAN SA PAGMAMARKA:
Nilalaman 10
Hikayat sa madla 10
Pagkamalikhain 5
KABUUAN 25
Paglalahat/Sintesis:
Pagbubuod ng paksang tinalakay
Pagbibigay-halaga sa paksa:
Bakit mahalaga ang tekstong Persuweysib sa pang-araw-araw na
gawain ng tao sa kanyang: (sarili, pamilya, komunidad, at bansa).
Ebalwasyon:
Sumulat ng isang tekstong Persuweysib (malaya kayong pumili ng inyong
sariling paksa.) Isulat ito sa isang short bond paper.
V. TAKDANG-ARALIN:
Paggawa ng isang brochure na naglalayong humikayat sa inyong lugar/pook na
kinabibilangan, mga pagkaing tampok sa inyong lugar at iba pa na nais mong
tangkilikin ng ibang tao.
Inihanda ni:
Sinuri nina: