ძირითადი ნაწილი

დასაწყისში აღნიშნული პირველი პრობლემა გახლდათ ინტელექტუალური

შესაძლებლობების დაქვეითება. ამ მოსაზრებას საზოგადოების დიდი ნაწილი,
განსაკუთრებით მშობლები ავრცელებენ. რეალურად ვიდეოთამაშების მიერ
წარმოდგენილი სამყაროები ძირითადად დაფუძნებულია: კაცობრიობის ისტორიის
მნიშვნელოვან მოვლენებზე, მითოლოგიაზე, სპორტზე, ტექნოლოგიაზე,
ფოლკლორზე, ბუნებაზე და სხვა უამრავ ასპექტზე. თითოეულის რეპრეზენტაცია
ორგანზომილებიან ან სამგანზომილებიან სივრცეში მიმდინარეობს, შესაბამისად
ადამიანის თვალი აღიქვამს გარკვეული ფრაგმენტის ვიზუალურად სრულფასოვან
ვერსიას. ვიდეოთამაშების ეს აღნიშნული თვისება მართლაც რომ განსაკუთრებულია,
რადგან გრაფიკულად არსებული დეტალის გადმოცემა მოძრავ კადრებში და მაღალ
ხარისხში სრულიად სხვა და აღმატებული აღქმის ფორმაა. ამ მოცემულობის
დასადასტურებლად გვაქვს მრავალი პოპულარული ვარიანტი: “God Of War
Ragnarök”; “Assassin's Creed Valhalla”; “Ghost of Tsushima” და ა.შ. მსოფლიოს მასშტაბით
ჩამოთვლილ თამაშებს ჰყავთ ასობით მილიონი ფანი, მათ შორის სტაციონალურად
მიმდინარეობს დებატები, განხილვები და დისკუსიები საერთო ინტერესზე,
ამიტომაც არგუმენტაციისთვის სჭირდებათ დამატებითი წყაროები, როგორებიცაა
გრაფიკული ნოველები, კომიქსები, ცნობარები, სახელმძღვანელოები. რეზულტატი
დადებითია, რადგან მსგავსი ინფორმაციული წყაროების, მხატვრული
ლიტერატურისა თუ ფენტეზის კითხვა ანვითარებს გონებრივ უნარებსა და
ანალიტიკურ/კრიტიკულ შესაძლებლობებს.

სიზარმაცე/გადამეტებული გართობა - ვიდეოთამაშებს ამ კატეგორიაში

სრულიად უსაფუძვლოდ აკრიტიკებენ ზრდასრულები, რადგან მათთვის
მიუღებელია ის ფაქტი, რომ ბავშვები უზომოდ დიდ დროს ხარჯავენ კომპიუტერულ
თამაშებზე, რასაკვირველია, მსგავსი შეფასება მცდარია და წაყენებული ბრალდებაც
უსამართლოა, იმიტომ რომ, ზრდასრულები რაციონალურად არ აფასებენ იმ
სასარგებლო ელემენტებს, რომლებსაც თამაშის სიუჟეტი იძლევა. სინამდვილეში
ვიდეოთამაშს და მშობლისთვის სხვა მეტად მისაღებ აქტივობებს ეკვივალენტური
რაოდენობის დადებითი თვისებები აქვთ, ხოლო ზოგიერთ სფეროში ტექნოლოგია
დომინანტიცაა, ამ დებულების დასამტკიცებლად შეგვიძლია მოვიხმოთ უამრავი
წვრილმანი: ენების სწავლა, კრეატიულობა, ფანტაზიის უნარი, კრიტიკული შეფასება,
ანალიზი, სინთეზი, სტრატეგიული/ტაქტიკური გათვლა, მომდევნო საფეხურების
დაგეგმვა, რეფლექსები, კომუნიკაბელურობა და ცოდნის გაღრმავება. ამ
კოლექტიური კომპონენტების ერთობლიობა ქმნის სრულიად სხვა დონის
სიამოვნებასა და სარგებელს, რომლის დაიგნორებაც აბსურდია ნებისმიერი
თვალსაზრისით.

ჯანმრთელობისთვის საშიში პირობები/აგრესია - ყველასთვის ნაცნობი და

პოპულარული “ფაქტები“ ვიდეოთამაშები იწვევს მხედველობის დაქვეითებას,
მაღალი ხმა აუარესებს სმენას, მოქმედებითი ჟანრი იწვევს აგრესიას და სხვა მრავალი
ნონსენსი, რომელიც ხავსივით მჭიდროდაა მიმაგრებული სოციუმს. თანამედროვე
მეცნიერული კვლევებით დადასტურებულია, რომ 4K/60FPS რეზოლუცია
თვალისთვის მისაღები მონაცემია და არანაირი უკუეფექტი არ გააჩნია აღნიშნულს,
ხმა და ვიბრაციის პარამეტრს ჩანერგილი აქვს რეგულირებადი ბარიერი, რომელიც
აჩვენებს პროცენტულად თუ კონკრეტულად რა დონეა საზიანო ყურთასმენისთვის.
ნებისმიერ თანამედროვე გეიმინგ სისტემაში ჩაშენებულია სხვადასხვა
დამცველობითი პარამეტრები, რომლებიც პასუხისმგებელნი არიან ავტომატურად
გასცენ პროგრამაში ბრძანებები, რითაც არეგულირებენ ყოველი მონაცემის ლიმიტს
ასაკის მიხედვით. მოცემული სისტემა გააქტიურებულია მცირე მოქმედების
შესრულების დროსაც კი, რაც ანულებს მოსალოდნელ რისკებს. დასაშვებია
პროგრამულად განსაზღვრული დონე გადასცდეს ნორმის სტანდარტს მაგრამ ამ
შემთხვევაში ირთვება მაკონტროლებელი მექანიზმი და შეტყობინება უმალვე მიდის
კომპიუტერთან ან მასთან დაკავშირებულ ნებისმიერ მოწყობილობასთან, ეს
პრობლემაც ავტომატურად მოგვარებადია, რადგან ხელოვნურად შექმნილ ბოტებს
შეუძლიათ კვლავ ნორმის ფარგლებში მოაქციონ სისტემის ფუნქციონირება. აგრესია
ბუნებრივი ემოციაა, რომელიც შესაძლოა გამოწვეული იყოს ვიდეოთამაშების მიერ
მაგრამ ალოგიკურია აღნიშნულის დადანაშაულება, იმ მოტივით, რომ გავამართლოთ
საზოგადოებაში დროს ჩამორჩენილი სტერეოტიპი. ბიოლოგიურად მოცემული და
შეუცვლელი ფაქტია, რომ არასასურველი ქმედება ადამიანს აღიზიანებს მაგრამ
შესაძლებელია მრისხანების გაკონტროლება, ეს უკვე დამოკიდებულია პიროვნების
ფსიქოლოგიურ მდგომარეობაზე. ზოგადად მოზარდები მეტად იმპულსურები არიან,
ამიტომ მათ შესაძლებლობებს მიღმა არსებულ ბუნებრივ კონცეფციას უნდა
არეგულირებდეს მშობელი და პრობლემას არ უნდა ეძებდეს ტექნოლოგიაში.
ზრდასრულებს თავად უნდა ჰქონდეთ იმდენი ნებისყოფა, რომ გარკვეულ ჩარჩოებში
მოაქციონ საკუთარი ემოციები.

რატომაა საჭირო ვიდეოთამაშების არსებობა?

თამაშებმა უზარმაზარი ევოლუცია განიცადეს პრეისტორიიდან დღევანდელ
ციფრულ ტექნოლოგიამდე და საბოლოოდ ჩვენამდე მოაღწია იდეალურად
ჩამოყალიბებულმა ფორმამ, რომელსაც შეუძლია წარმოსახვითი რეალობით
გვაჩვენოს ისტორიული მოვლენები, ღირსშესანიშნავი გეოგრაფიული
ლოკაციები, კოსმოსი და სხვა უამრავი ულამაზესი ეგზისტენციალური
ობიექტები. ვიდეოთამაშებს განტვირთვისა და გართობის გარდა აქვთ უამრავი
დადებითი თვისება, რომლებიც ხელს გვიწყობენ ყოველდღიური ცხოვრების
გამარტივებაში, ცოდნის გაღრმავებასა და აზროვნებაში. მეცნიერული
თვალსაზრისით აღმაფრთოვანებელი გამოგონებაა, რომელსაც ძალიან დიდი
პოტენციალი გააჩნია, რათა დაიპყროს ახალი სიმაღლეები და არსებობის
გრძელვადიან პერიოდში მიაღწიოს უფრო აღმატებულ მწვერვალებს და
შემოგვთავაზოს გაცილებით მაღალი ხარისხის პროდუქტი და ინოვაციები
ვიდრე ახლა.

რა აქვს დადებითი კონკრეტულად ვიდეოთამაშებს?

უამრავი დადებითი თვისება: ცოდნის გაღრმავება, ანალიტიკურ-კრიტიკული
შეფასების უნარი, ლოგიკური აზროვნების შესაძლებლობა, მახსოვრობისა და
რეფლექსების გაუმჯობესება, გადაწყვეტილებების მიღების და სიტუაციის
სრულყოფილად გათვიცნობიერების შნო, ერთობლივი ინტერესების მქონე
ადამიანებისა და თანამოაზრეების გაცნობა, კომუნიკაციის დამყარება,
გართობა, პოპულარობა, გასაოცარი და ახალი ფაქტების აღმოჩენა...