1.

სამეზობლო სამართალში თმენის საკითხი

სამეზობლო ემისია ესაა ყველა ის მოქმედება, რომელიც ერთი მიწის ნაკვეთიდან

მეორე მიწის ნაკვეთზე შეიძლება გავრცელდეს, რომლითაც გარკვეული სახის
დისკომფორტი შეიძლება წარმოიქმნას მეზობლებს შორის, რადგან ამ ურთიერთობას
წარმოადგენს ორი მხარე, პირველი ,ვინც ემისიების მეშვეობით ქმნის ისეთ
სიტუაციას, რომელიც მეორე მხარის უკმაყოფილებას იწვევს. ასეთი მოქმედებები
იყოფა არსებითი ან არაარსებითი ხასიათის ზემოქმედებებად.

არაარსებითი ემისიის გავრცელება გამორიცხავს მესაკუთრის უფლებას მოსთხოვოს

გამავრცელებელს ასეთი ზემოქმედების შეწყვეტა, რომელიც მას გარკვეულწილად
ხელს უშლის.

არსებითის შემთხვევაში დასადგენია, ხომ არ ექვემდებარება სამეზობლო

ურთიერთობიდან გამომდინარე თმენის ვალდებულებას და შეუძლია თუ არა ასეთი
თმენისთვის გარკვეული კომპენსაციის მიღება.

არარსებითი ემისიები- მიწის ნაკვეთის ან სხვა უძრავი ქონების მესაკუთრეს არ

შეუძლია აკრძალოს მეზობელი ნაკვეთიდან თავის ნაკვეთზე გაზის, ორთქლის,
სუნის, ჭვარტლის, კვამლის, ხმაურის, სითბოს, რყევების ან სხვა მსგავს მოვლენათა
ზემოქმედებანი:

• თუკი ისინი ხელს არ უშლიან მესაკუთრეს თავისი ნაკვეთით სარგებლობაში

• ან უმნიშვნელოდ ხელყოფენ მის უფლებას 175(1)

გერმანული სასამართლო პრაქტიკა: შეფასება უნდა მოხდეს ჩვეულებრივი,

გონივრულად მოაზროვნე ადამიანის შეხედულების მიხედვით ყოველი პირის
ინტერესთა გათვალისწინებით

არსებითი ემისიების დროს, განსაზღვრული წინაპირობების არსებობისას კანონი

აკისრებს მესაკუთრეს თმენის ვალდებულებებს. თუ მესაკუთრე მოვალეა ითმინოს
არსებითი ემისიები, მას შეუძლია ზემოქმედების გამომწვევი ნაკვეთის მესაკუთრეს
მოსთხოვოს შესაბამისი ფულადი კომპენსაცია იმ შემთხვევაში, როცა ზემოქმედება
აღემატება მოცემულ ადგილას ჩვეულებრივად მიჩნეულ სარგებლობას და
ეკონომიკურად დასაშვებ ფარგლებს. მაგრამ არის გამონაკლისებიც, როცა არსებითი
ემისიები მიწის ნაკვეთის მესაკუთრემ უნდა ითმინოს ყოველგვარი კომპენსაციის
გარეშე:

ეს ის შემთხვევებია, როდესაც არსებითი ზემოქმედება გამოწვეულია სხვა ნაკვეთით

1|Page
ან სხვა უძრავი ქონებით ჩვეულებრივი სარგებლობით და არ შეიძლება მისი აღკვეთა
ისეთი ღონისძიებებით, რომლებიც ამ სახის მოსარგებლეთათვის ნორმალურ
სამეურნეო საქმიანობად მიიჩნევა(აეროპორტის მაგალითი, სტადიონი, მუსიკოსი,
იზოტოპების ქარხანა). ანუ ჩვეულებრივ სარგებლობად შეგვიძლია მივიჩნიოთ ისეთი
სარგებლობა, როდესაც მას მოცემულ კონკრეტულ ადგილას ფაქტობრივად ხშირად
აქვს ადგილი.

175-ე მუხლის მე-3 ნაწილი გულისხმობს კომპენსაციის გადახდის აუცილებლობას

იმ შემთხვევის დროს როცა ზემოქმედება აღემატება ასეთი ადგილისთვის
ჩვეულებად მიჩნეულ სარგებლობასა და ეკონომიკურად დასაშვებ ფარგლებს. ასე
რომ უპირობოდ ყოველთვის არ მიეცემა ეს კომპენსაცია. თმენისათვის ფულადი
კომპენსაციის მოთხოვნის წინაპირობას არ წარმოადგენს პირის ბრალი. თმენისათვის
ფულადი კომპენსაცია მოიცავს მხოლოდ მიწის ნაკვეთით სარგებლობის ხელის
შეშლას და არა ზიანის მიყენებას კონკრეტული პირისათის. ამიტომ ზემოაღნიშნული
ქმედებებისათვის შეიძლება მოთხოვნილ იქნას დაზარალებული პირის მიერ
მიყენებული ზიანის ანაზღაურება საერთო საფუძვლებით.

2. აუცილებელი გზის თემა სამეზობლო სამართალში

მიწის ნაკვეთის აუცილებელ გზად მიიჩნევა გზა, რომელიც უცილებელია ამ მიწის

ნაკვეთის დასაკავშირებლად საჯარო გზებთან, ელექტრო, ნავთობის გაზისა და
წყალმომარაგების ქსელთან. განსაზღვრული წინაპირობების არსებობისას მიწის
ნაკვეთის მესკაუთრეს ( რომელსაც არ აქვს აუცილებელი გზა) შეუძლია მეზობელი
მიწის ნაკვეთის მესაკუთრეს მოსთხოვოს, რომ ამ უკანასკნელმა ითმინოს მისი მიწის
ნაკვეთის გამოყენება პირველი მესაკუთრის მიწის ნაკვეთის საჯარო გზასთან
აუცილებელი კავშირის უზრუნველსაყოფად. განსაზღვრულ წინაპირობებს
წარმოადგენს: (1) საჯარო გზასთან აუცილებელი კავშირის არსებობა. (2)
აუცილებელი კავშირი- აუცილებელია მიწის ნაკვეთის ჯეროვანი გამოყენებისთვის.
ჯეროვანი გამოყენების კრიტერიუმის დადგენისას მხედველობაში მიიღება მიწის
ნაკვეთის მდებარეობა, ფართობი და დანიშნულება, ამასთან ჯეროვნად, სათანადოდ
არ მიიჩნევა წმინდა პირადი საჭიროებისათვის გამოყენება მესაკუთრისა ან
სარგებელზე უფლებამოსილი პირისა ანდა დროებითი საჭიროება, რომელიც
სციდლება მიწის ნაკვეთით ჩვეულებრივ სარგებლობას. (3) დამაკავსირებველი მიწის
ნაკვეთის გამოყენება უნდა იყოს გამოწვეული იმ მიწის ნაკვეთის ჯეროვანი
გამოყენების აუცილებლობით, რომლის სასარგებლოდაც დგინდება აუცილებელი
გზა. თუ როგორია დაკავშირების მოცულობა და ხასიათი, რომელიც მესაკუთრეს
უფლებას აძლევს მოითხოვოს ყოევლი კონკრეტული შემთხვევიდან გამომდინარე.

2|Page
3. აღნაგობა-ცნება:

აღნაგობის უფლება სხვისი საკუთრებით, კერძოდ მიწის ნაკვეთით შეზღუდული

სარგებლობის ერთ-ერთი სანივთო უფლებაა, როდესაც აღნაგობის უფლების მქონე
პირი სარგებლობს თითქმის ისეთივე უფლებამოსილებით, როგორც მესაკუთრე. მას
აქვს ამ უფლების(და არა მიწის ნაკვეთის) სარგებლობის,

 თხოვების,
 გაქირავების,
 მემკვიდრეობით გადაცემის და ბოლოს - გასხვისების უფლებაც.

საკუთრების უფლებისგან განსხვავებით, აღნაგობის უფლება გარკვეული

ვადითაა შეზღუდული (არ უნდა აღემატებოდეს 99 წელს), საკუთრების უფლება კი
უვადოა. აღნაგობის უფლება გულისხმობს პირის შესაძლებლობას ისარგებლოს
სხვისი ნივთით ისე, რომ მას ჰქონდეს ამ ნაკვეთზე ან მის ქვეშ რაიმე ნაგებობის
აღმართვის უფლება, ასევე ამ უფლების გასხვისების, მემკვიდრეობით გადაცემის,
თხოვების და გაქირავების უფლება. აღნაგობის უფლების ობიექტი-მიწის ნაკვეთია,
რომელიც გადაეცემა პირს მხოლოდ კონკრეტული მიზნისთვის, კერძოდ ამ ნაკვეთზე
ან მის ქვეშ რაიმე ნაგებობის ასაშენებლად.

აღნაგობის სუბიექტებია:

 მესაკუთრე-მიწის ნაკვეთის მესაკუთრე

 მეაღნაგე-პირი,რომესაც აღნაგობის უფლებით დროებით სარგებლობაში
გადაეცემა მიწის ნაკვეთი.

4. უზუფრუქტი-ცნება:

სხვისი საკუთრებით შეზრუდული სარგებლობა. უზუფრუქრი სანივთო უფლებაა და

სხვისი ქონებით სარგებლობის გაცილებით უკეთესი საშუალებაა, ვიდრე რომელიმე
ვალდებულებითი უფლება. უზუფრუქტი რომის სამართლის დროინდელი
ინსტიტუტია, რომლებიც რომაელების განმარტების თანახმად -სხვისი
მოუხმარებადი ნივთის აშკარად პირადი და სრული სარგებლობის უფლებაა,
რომელიც სარგებლობასთან ერთად გულისხმობს მისგან ნაყოფის მიღებას მისი
სუბსტანციის(ძირითადი თვისების) შენარჩუნებით. საკუთრების უფლებისგან
განსხვავებით მას არ აქვს ნივთის გასხვისების, იპოთეკით დატვირთვის ან
მემკვიდრეობით გადაცემის უფლება. ამ ნივთის გაქირავების ან იჯარით
გადაცემისთვის საჭიროა მესაკუთრის თანხმობა. უზუფრუქტის გაუქმების შემდეგ
მესაკუთრე ხდება არსებული ქირავნობის ან იჯარის ურთიერთობის მონაწილე.

3|Page
 უზუფრუქტის სუბიექტები:

 უზუფრუქტუარი-უზუფრუქტის მიმღები
 უძრავი ნივთის მესაკუთრე-უზუფრუქტის გამცემი.

უზუფრუქტის ობიექტს წარმოადგენს მხოლოდ უძრავი ნივთი, რომელიც

მფლობელობაში და სარგებლობაში გადაეცემა უზუფრუქტუარს. უზუფრუქტუარს
მესაკუთრის მსგავსად უფლება აქვს გამოიყენოს ნივთი მისი სამეურნეო
დანიშნულებით, მიიღოს მისგან ნაყოფი და სარგებელი. უზუფრუქტუარი
„შეზღუდული მესაკუთრის“ როლში გვევლინება, რადგან იგი მოკლებულია
მესაკუთრის მთელ რიგ უფლებებს, კერძოდ, მას არ აქვს ნივთის გასხვისების,
იპოთეკით დატვირთვის და მემკვიდრეობით გადაცემის უფლება. უზუფრუქტუარი
ასევე მოკლებულია უფლებას დამოუკიდებლად შევიდეს რიგ სახელშეკრულებო
ურთიერთობებშიც, როგორიცაა ქირავნობა და იჯარა და რომელთა დადებასაც
სჭირდება მესაკუთრის თანხმობა (წინასწარი ან შემდგომი).უზუფრუქტუარს,
მესაკუთრის მსგავსად ,პირადად უფლება აქვს გამოიყენოს ვინდიკაციური და
ნეგატორული სარჩელები მესაკუთრესთან სამართლებრივი ურთიერთობის
პერიოდში.

კარგაად შეისწავლეთ უზუფრუქტს და აღნაგობას შორის არსებული მსგავსებები და

განსხვავებები, ასე ცალკე არ ვყოფ, მიხვდებით ისედაც რო წაიკითხავთ!!!დაამუშავეთ
აუცილებლად შეიძლება ასეთი ფორმულირებით მოიტანოს!!!!!

5. სერვიტუტი-ცნება:

სერვიტუტი უძველესი ინსტიტუტია. იგი ჩამოყალიბდა და არსებობდა ძველი რომის

პერიოდში. სერვიტუტად რომის სამართალი მიიჩნევდა სხვა პირის კუთვნილ
ნივთზე დადგენილ სანივთო უფლებას, რომლის ძალითაც უფლებამოსილ პირს
შეეძლო ესარგებლა ნივთით ან აეკრძალა მესაკუთრის მიერ კუთვნილ ნივთზე
განსაზღვრული სახის სარგებლობა. სერვიტუტს ახასიათებდა შემდეგი არსებითი
ნიშნები(რომის სამართლის მიხედვით): სერვიტუტი იყო სხვა პირის კუთვნილ
ნივთზე უფლება,სერვიტუტის მიზანი მდგომარეობდა ყოველთვის განსაზღვრული
პირის ან მიწის ნაკვეთის სარგებლობის მიღებაში. სერვიტუტი არ მდგომარეობდა
დატვირთული ნივთის მესაკუთრის მიერ ვალდებულების შესრულების კისრებაში,
სერვიტური ნივთის მესაკუთრეს ავალდებულებს თმენაზე ან მოქმედების
განხორციელებისგან თავის შეკავებაზე.

4|Page
სერვიტუტის სუბიექტები:

უძრავი ნივთის მესაკუთრე-სერვიტუტით დატვირთული ანუ მომსახურე(დამხმარე)

უძრავი ქონების ნაკვეთის მესაკუთრე და უფლებამოსილი პირი(მესერვიტუტე)-
მთავარი ნივთის მესაკუთრე,ანუ ვის სასარგებლოდაც დაიტვირთა სხვისი ქონება.

6. გირავნობის სახეები:

განასხვავებენ გირავნობის შემდეგ სახეებს:

• სახელშეკრულებო გირავნობა;
• კანონისმიერი გირავნობა;
• მფლობელობითი გირავნობა;
• რეგისტრირებული გირავნობა;
• გირავნობის სხვა სახეები.
თითოეული სახეობისათვის დადგენილია წარმოშობისა და გამოყენების
განსხვავებული წესები, მაგრამ მათი საერთო იმაში მდგომარეობს,რომ ისინი
წარმოადგენენ უზრუნველყოფის აქცესორულ საშუალებას მოძრავ ნივთებსა თუ
უფლებებზე.
• მფლობელობითი გირავნობა- მფლობელობითი გირავნობა ყველაზე
გავრცელებული სახეა. ამ დროს გირავნობის საგანი გადადის მოგირავნის
მფლობელობაში და მოვალის მიერ ვალდებულების შესრულებამდე მასთან რჩება.
მფლობელობითი გირავნობის დროს გირავნობის საგანი შეიძლება გადაეცეს
როგორც მოგირავნეს, ისე მოგირავნის მიერ განსაზღვრულ მესამე პირს-საწყობს ან
ბანკს,ან ნოტარიუსს.მფლობელობითი გირავნობა წარმოიშობა მხარეთა
შეთანხმების და ნივთის მოგირავნის ან მოგირავნის მიერ განსაზღვრული მესამე
პირის მფლობელობაში გადაცემის გზით. თუ ნივთი უკვე იმყოფება მოგირავნის
მფლობელობაში,გირავნობის წარმოშობისთვის საჭიროა მხოლოდ მხარეთა
შეთანხმება
• რეგისტრირებული გირავნობა- რეგისტრირებული გირავნობა შედარებით ახალი
მოვლენაა და მისი წარმოშობის აუცილებლობა განაპირობა დამგირავებლისათვის
გირავნობის საგანზე მფლობელობის შენარჩუნების,ხოლო კრედიტორისათვის კი
გარანტირებული უფლების მინიჭების მიზანშეწონილობამ.დღევანდელი
მდგომარეობით,რეგისტრირებული გირავნობისას ,გირავნობის საგანი
საკუთრებაშიც და მგლობელობაშც რჩება მესაკუთრეს,მხოოლოდ კრედიტორი
მოთხოვნის უზრუნველსაყოფად ამ ნივთის(ან უფლების) გირავნობით
დატვირთვა ფორმდება რეგისტრაციით მარეგისტრირებელ ორგანოში.ასეთი

5|Page
 სახის გირავნობის შემთხვევაში აუცილებელია გარიგების წერილობითი ფორმით
დადება.
• სახელშეკრულებო გირავნობა- წარმოადგენს ყველაზე გავრცელებულ
საშუალებას,რომელსაც საფუძვლად უდევს მოგირავნესა და დამგირავებელს
შორის არსებული ხელშეკრულება.საქართველოს სამოქალაქო კოდექსის 254-
284(პრიმა) მუხლები სახელშეკრულებო გირავნობის მომწესრიგებელი
ნორმებია.შეთანხმება გირავნობის შესახებ ვალდებულებით-სამართლებრივი
ხელშეკრულებაა და მასზე ვრცელდება ხელშეკრულების ნამდვილობისათვის
კანონით გათვალისწინებული ყველა წინაპირობა.სახელშეკრულებო გირავნობის
წარმოშობას საფუძვლად უდევს კერძო ავტონომია და ხელშეკრულების
თავისუფლება.ხელშეკრულების თავისუფლება მოიცავს როგორც
ხელშეკრულების დადების თავისუფლებას,ისე შინაარსის განსაზღვრის
თავისუფლებას ,მაგრამ არა გირავნობის შინაარსის განსაზღვრას,რადგან იგი
სანივთო უფლებაა და კანოითაა გათვალისწინებული.
• კანონისმიერი გირავნობა- კანონისმიერი გირავნობის შემთხვევები კანონით არის
დადგენილი.კრედიტორს კანონი ანიჭებს უფლებას,მოვალის მიმართ თავისი
არსებული მოთხოვნის უზრუნველსაყოფად მოვალის დაუკითხავად გამოიყენოს
მისი ნივთი გირავნობის საგნად.კანონისმიერი გირავნობის წარმოშობის
წინაპირობაა გირავნობის საგნის არსებობა კრედიტორის(მოგირავნის)
მფლობელობაში.
• გირავნობის სხვა სახეები:
ა)გირავნობა სარგებლობის უფლებით-მოგირავნეს ანიჭებს გირავნობის საგნიდან
სარგებელის ანუ მისი ნაყოფის ან სხვა შემოსავლის მიღების უფლებას.სამოქალაქო
კოდექსი განასხვავებს სარგებლობის უფლებით გირავნობის ორ შემთხვევას:პირველი
როცა მხარეები თანხმდებიან ამაზე და მეორე როდესაც ნაყოფის მიღება გირავნობის
საგნის თვისებიდან გამომდინარე ივარაუდება.
ბ)გენერალური გირავნობა-ამ დროს გირავნობა არ შემოიფარგლება მხოლოდ ერთი
საგნით და ის შეიძლება გავრცელდეს ნივთთა ერთობლიობაზე.სპეციალურობის
პრინციპიდან გამომდინარე სანივთო უფლებები შეიძლება არსებობდეს კონკრეტულ
ნივთებზე და არა ნივთთა ერთობლიობაზე.თუმცა ზოგიერთ შემთხვევაში შეიძლება
გამოთქმა ნივთთა ერთობლიობა იქნეს გამოყენებული.
გ)არსებობს მაშინ როდესაც კრედიტორის ერთი და იგივე მოთხოვნა
უზრუნველოფილია რამდენიმე საგანზე გირავნობით.არ არის სავალდებულო,რომ ეს
საგნები იყოს ერთგვაროვანი:ერთი შეიძლება იყოს-მოძრავი ნოვთი, მეორე-მოთხოვნა
და ა.შ.
7. ნაყოფის თემა გირავნობაში-გირავნობის უფლება ვრცელდება გირავნობის
საგნიდან მიღებულ ნაყოფზე ,თუ მხარეთა შეთანხმებით სხვა რამ არ არის
გათვალისწინებული.თუ გირავნობის საგანი დამგირავებლის მფლობელობაში

6|Page
 იმყოფება, მას უფლება აქვს მიიღოს სარგებელი გირავნობის საგნიდან.
მოგირავნეს მის მფლობელობაში გადაცემული გირავნობის საგნიდან სარგებლის
მიღება შეუძლია, თუ ეს გათვალისწინებულია მხარეთა შეთანხმებით.
ივარაუდება, რომ მოგირავნე უფლებამოსილია მიიღოს ნაყოფი გირავნობის
საგნიდან, თუ ნაყოფის მიღება გირავნობის საგნის თვისებიდან გამომდინარეობს.
მოგირავნის მიერ მიღებული სარგებელი ჩაითვლება უზრუნველყოფილი
მოთხოვნის ანგარიშში. მოგირავნე ვალდებულია დამგირავებლის მოთხოვნით
წარუდგინოს მას ანგარიში მის მიერ მიღებული სარგებლის შესახებ.

8. იპოთეკის სახეები:

წარმოშობის საფუძვლის მიხედვით ერთმანეთისგან განასხვავებენ სახელშეკრულებო

და კანონისმიერ იპოთეკას

 სახელშეკრულებო იპოთეკა ყველაზე გავრცელებული შემთხვევაა, რისი

გამომწვევი მიზეზიც ისაა, რომ იპოთეკის საფუძველი ძირითად შემთხვევაში
არის იპოთეკის ხელშეკრულება. აღნიშნული ხელშეკრულება წარმოადგენს
მხარეებს შორის დადებულ ვალდებულებით-სამართლებრივ გარიგებას.
მიუხედავად იმისა, რომ ვალდებულებით-სამართლებრივი ხელშეკრულების
შედეგად წარმოიშობა სანივთო უფლება-იპოთეკა, ეს მაინც არ ცვლის იპოთეკის
სამართლებრივ ბუნებას.
 კანონისმიერი იპოთეკა კანონით ზუსტად განსაზღვრულ შემთხვევებში
გამოიყენება, კერძოდ, სსკ-ის 635-ე მუხლის მიხედვით, ,,თუ ხელშეკრულების
საგანია ნაგებობა ან ამ ნაგებობის ცალკეული ნაწილები, მაშინ მენარდეს შეუძლია
ხელშეკრულებიდან გამომდინარე თავისი მოთხოვნებისათვის მოითხოვოს
იპოთეკა სამშენებლო მიწის ნაკვეთზე.“

ფორმისა და სამოქალაქო ბრუნვაში მონაწილეობის პირობების მიხედვით

განასხვავებენ ჩვეულებრივ იპოთეკას და იპოთეკის მოწმობას.

იპოთეკის მოწმობა სამოქალაქო კოდექსით გამოიყოფა ჩვეულებრივი იპოთეკა და

იპოთეკის მოწმობა. ისინი განსხვავებულად მონაწილეობენ სამოქალაქო ბრუნვაში.
ჩვეულებრივი იპოთეკისაგან განსხვავებით, იპოთეკის მოწმობა არის ფასიანი
ქაღალდი და მის მიმართ გამოიყენება ,,ფასიანი ქაღალდების ბაზრის შესახებ“
საქართველოს კანონით დადგენილი წესები. პრაქტიკულად ეს გულისხმობს იმას,
რომ იპოთეკა გადადის შემძენზე იპოთეკის მოწმობის გადაცემის გზით, მაშინ

7|Page
როდესაც ჩვეულებრივი იპოთეკის გადაცემისათვის საჯარო რეესტრში შესაბამისი
ცვლილების რეგისტრაცია აუცილებელია. ჩვეულებრივი იპოთეკის
წარმოშობისათვის აუცილებელია ორი წინაპირობის არსებობა, ესენია: იპოთეკის
ხელშეკრულება და იპოთეკის რეგისტრაცია საჯარო რეესტრში, ხოლო იპოთეკის
მოწმობისათვის აუცილებელია არსებობდეს მესამე წინაპირობა, საჯარო რეესტრის
მიერ განხორციელდეს იპოთეკის მოწმობის გაცემა.

კრედიტის უზრუნველსაყოფად დატვირთული ნივთების რაოდენობის მიხედვით:

საერთო იპოთეკა

 საერთო იპოთეკა თუ მოთხოვნა უზრუნველყოფილია რამდენიმე უძრავ ნივთზე

არსებული იპოთეკით (საერთო იპოთეკა), საერთო მოთხოვნის
დასაკმაყოფილებლად გამოიყენება ყოველი ნივთი. კრედიტორს შეუძლია,
სურვილისამებრ, მოთხოვნა ნებისმიერი ნივთით დაიკმაყოფილოს, თუ მხარეები
სხვა რამეზე არ შეთანხმებულან.
 მესაკუთრის იპოთეკა თუ მოთხოვნა, რომლის უზრუნველსაყოფადაც არსებობს
იპოთეკა, არ წარმოშობილა, იგი ქარწყლდება ან გადადის უძრავი ნივთის
მესაკუთრეზე, მაშინ იპოთეკაც გადადის ამ უკანასკნელზე (მესაკუთრის იპოთეკა).

9. ნაყოფის თემა იპოთეკაში- იპოთეკა არ ვრცელდება უძრავი ნივთის ნაყოფზე,

თუ მხარეთა შეთანხმებით სხვა რამ არ არის გათვალისწინებული.უძრავ ნივთზე
აუქციონის გამოცხადებიდან ან სასამართლოს გადაწყვეტილების მიღებიდან
მესაკუთრე კარგავს უფლებას, დაიტოვოს ნივთის ნაყოფი.ნივთის იძულებითი
მართვის (სეკვესტრის) დროს მმართველი იღებს ნივთისაგან ნაყოფს და
განაწილების გეგმის საფუძველზე, რომელსაც ადგენს თვითონ და ამტკიცებს
სასამართლო, ანაწილებს მას წლის ბოლოს ყველა დანახარჯის გამოკლებით,
რომელთაც მიეკუთვნება მართვის ხარჯებიც.
10. სუროგაცია- თუ მოთხოვნა დაგირავებულია ,ხოლო მოვალე (მოთხოვნის)
ვალდებულებას ასრულებს გირავნობის ვადის გასვლამდე, მაშინ შესრულება
იკავებს მოთხოვნის ადგილს თუ მხარეთა შეთანხმებით სხვა რამ არ არის
გათვალისწინებული. საქართველოს სამოქალაქო კოდექსის 264-ე მუხლის
პირველი ნაწილი.
1. „თუ დაგირავებულია მოთხოვნა, ხოლო მოვალე ვალდებულებას ასრულებს
გირავნობის ვადის გასვლამდე, მაშინ შესრულება იკავებს მოთხოვნის ადგილს,
თუკი მხარეთა შეთანხმებით სხვა რამ არ არის გათვალისწინებული.“

8|Page